ചവറ: ജന്മഗൃഹമായ ചവറ നമ്പ്യാടിക്കല്‍ തറവാട്ടില്‍ വിവിധ സംഘടനകളുടെയും ജന്മഗൃഹ സ്മാരക കമ്മിറ്റിയുടെയും ആഭിമുഖ്യത്തില്‍ സംഘടിപ്പിച്ച ഒഎന്‍വി അനുസ്മരണത്തില്‍ ഓര്‍മകള്‍ അലയടിച്ചു.
രാവിലെ കുടുംബാംഗങ്ങള്‍ കവിയുടെ അനന്തിരവന്‍ ജ്യോതി നമ്പ്യാടിക്കലിന്റെ നേതൃത്വത്തില്‍ സ്മൃതി മണ്ഡപത്തില്‍ പുഷ്പാര്‍ച്ചന നടത്തി. വികാസ് കലാസാംസ്‌കാരിക സമിതിയുടെ അനുസ്മരണ സമ്മേളനം താലൂക്ക് ലൈബ്രറി കൗണ്‍സില്‍ സെക്രട്ടറി ബി.വിജയകുമാര്‍ ഉദ്ഘാടനം ചെയ്തു. കൃഷ്ണന്‍ കുട്ടി, ശ്രീനന്ദ, സാന്ദ്ര എന്നിവരുടെ കാവ്യാര്‍ച്ചനയും ഉണ്ടായിരുന്നു. കലാസരിത്ത് സാംസ്‌കാരിക സമിതി പ്രവര്‍ത്തകര്‍ പ്രസിഡന്റ് ചവറ സുരേന്ദ്രന്‍ പിള്ളയുടെ നേതൃത്വത്തില്‍ സ്മൃതി മണ്ഡപത്തില്‍ പുഷ്പാര്‍ച്ചന നടത്തി. സാഹിത്യകാരന്മാരുടെ സമ്മേളനം കവി കുരീപ്പുഴ ശ്രീകുമാര്‍ ഉദ്ഘാടനം ചെയ്തു. സി.രഘുനാഥ് അധ്യക്ഷനായി. സിപിഐ സംഘടിപ്പിച്ച അനുസ്മരണ സമ്മേളനം മുന്‍മന്ത്രി മുല്ലക്കര രത്നാകരന്‍ ഉദ്ഘാടനം ചെയ്തു. പി.ബി. രാജു അധ്യക്ഷനായി.
പ്രതികരിക്കാൻ ഇവിടെ എഴുതുക: