വാഷിങ്ടണ്‍ : മാധ്യമ പ്രവര്‍ത്തകരുടെ ചോദ്യം കേട്ട് തെറിവിളിച്ച് യുഎസ് പ്രസിഡന്റ് ജോ ബൈഡന്. വാര്‍ത്താ സമ്മേളനം കഴിഞ്ഞ് മാധ്യമ പ്രവര്‍ത്തകരെല്ലാം മീഡിയാറൂം വിടുന്ന സമയത്താണ് സംഭവം. കണ്‍സര്‍വേറ്റീവ് പാര്‍ട്ടിയോട് താത്പ്പര്യമുള്ള ഫോക്‌സ് ന്യൂസിന്റെ റിപ്പോര്‍ട്ടര്‍ ഉന്നയിച്ച ചോദ്യത്തിന് ബൈഡന് മൈക്ക് ഓണ്‍ ആണെന്ന് അറിയാതെ അവരെ തെറിവിളിക്കുകയായിരുന്നു.
പണപ്പെരുപ്പം ഒരു രാഷ്‌ട്രീയ ബാധ്യതയാണോ എന്ന ചോദ്യമാണ് ഫോക്‌സ് ന്യൂസ് റിപ്പോര്‍ട്ടര്‍ ഉന്നയിച്ചത്. ബൈഡന് തന്ത്രപരമായി ഇതിന് മറുപടി പറയാന്‍ ശ്രമിച്ചെങ്കിലും പരാജയപ്പെട്ടു. ഇതോടെ മൈക്ക് ഓഫാണെന്ന ധാരണയില്‍ പതിഞ്ഞ സ്വരത്തില്‍ ‘സ്റ്റുപ്പിഡ് സണ്‍ ഓഫ് എ ബിച്ച്’ എന്ന് തെറി വിളിക്കുകയായിരുന്നു.
പ്രസ് കോണ്‍ഫറന്‍സിന് ശേഷം മാധ്യമപ്രവര്‍ത്തകരെല്ലാം പുറത്തേയ്‌ക്കിറങ്ങുന്ന ബഹളത്തിലും മറ്റും പറയുന്നത് കൃത്യമായില്ല. ഇതിന്റെ വിഡിയോ പുറത്തുവന്നതോടെയാണ് ബൈഡന്റെ ചീത്തവിളി തിരിച്ചറിയുന്നത്.
പ്രതികരിക്കാൻ ഇവിടെ എഴുതുക: