പത്തനംതിട്ട: പത്തനംതിട്ട നഗരത്തിലെ സ്വകാര്യ നഴ്സിങ് കോളജിലെ വിദ്യാര്‍ഥിനികള്‍ക്ക് ഒമിക്രോണ്‍ ബാധയെതുടര്‍ന്ന് ഒമിക്രോണ്‍ ക്ലസ്റ്റര്‍ രൂപപ്പെട്ടു. സംസ്ഥാനത്തെ തന്നെ ആദ്യ ഒമിക്രോണ്‍ ക്ലസ്റ്ററാണിത്. നഗരത്തിലെ സ്വകാര്യആശുപത്രിയുടെ ഭാഗമായ നഴ്സിങ് കോളജിലെ ഹോസ്റ്റലില്‍ താമസിച്ച വിദ്യാര്‍ഥിനികള്‍ക്കാണ് രോഗബാധ കണ്ടെത്തിയത്.
ഇവിടെ ഒരു നഴ്സിങ് വിദ്യാര്‍ഥിനിക്ക് ഒമിക്രോണ്‍ സ്ഥിരീകരിക്കുകയും പിന്നാലെ 13 വിദ്യാര്‍ഥിനികള്‍ കൂടി കൊവിഡ് പോസിറ്റീവാകുകയും ചെയ്ത സാഹചര്യത്തിലാണ് ക്ലസ്റ്ററായി സ്ഥാപനത്തെ മാറ്റിയത്. ഒമിക്രോണ്‍ സ്ഥിരീകരിച്ച നഴ്സിങ് വിദ്യാര്‍ഥിനി കഴിഞ്ഞ മൂന്നിനാണ് കൊവിഡ് പോസിറ്റീവായത്. ഇരുനൂറോളം കുട്ടികളാണ് ഇവിടെ പഠിക്കുന്നത്. സംഭവം അറിഞ്ഞതോടെ രക്ഷിതാക്കളും ആശങ്കയിലാണ്.
പ്രതികരിക്കാൻ ഇവിടെ എഴുതുക: