മുംബൈ: കൊവിഡ് ബാധിച്ച ഓഫ് സ്പിന്നര്‍ വാഷിങ്ടണ്‍ സുന്ദറെ ദക്ഷിണാഫ്രിക്കയ്‌ക്കെതിരായ ഏകദിന പരമ്പയ്‌ക്കുള്ള ഇന്ത്യന്‍ ടീമില്‍ നിന്ന് ഒഴിവാക്കി. പകരം ജയന്ത് യാദവിനെ ഉള്‍പ്പെടുത്തി. ഇന്ത്യ- ദക്ഷിണാഫ്രിക്ക ഏകദിന പരമ്പര ഈ മാസം 19 ന് ആരംഭിക്കും.
പരിക്കേറ്റ പേസര്‍ മുഹമ്മദ് സിറാജ് പൂര്‍ണ ആരോഗ്യം വീണ്ടെടുക്കാത്ത സാഹചര്യത്തില്‍ പേസര്‍ നവ്ദീപ് സെയ്‌നിയെയും ഏകദിന ടീമില്‍ ഉള്‍പ്പെടുത്തിയതായി ഇന്ത്യന്‍ ക്രിക്കറ്റ് കണ്‍ട്രോള്‍ ബോര്‍ഡ് അറിയിച്ചു. ദക്ഷിണാഫ്രിക്കയിലെ പാളിലാണ് ആദ്യ ഏകദിനം. രണ്ടാം മത്സരം 21 ന് ഈ സ്‌റ്റേഡിയത്തില്‍ തന്നെ നടക്കും. അവസാന മത്സരം 23 ന് കേപ്ടൗണില്‍ അരങ്ങേറും.
ഇന്ത്യന്‍ ടീം: കെ.എല്‍. രാഹുല്‍ (ക്യാപ്റ്റന്‍) ജസ്പ്രീത് ബുംറ (വൈസ് ക്യാപ്റ്റന്‍), ശിഖര്‍ ധവാന്‍, ഋതുരാജ് ഗെയ്‌ക്കുവാദ്, വിരാട് കോഹ്‌ലി, സൂര്യകുമാര്‍ യാദവ്, ശ്രേയസ് അയ്യര്‍, വെങ്കിടേഷ് അയ്യര്‍, ഋഷ്ഭ് പന്ത്്, ഇഷാന്‍ കിഷന്‍, യുസ്‌വേന്ദ്ര ചഹല്‍, ആര്‍. ആശ്വിന്‍, ഭുവനേശ്വര്‍ കുമാര്‍, ദീപക് ചഹര്‍, പ്രസിദ്ധ് കൃഷ്ണ, ഷാര്‍ദുല്‍ താക്കുര്‍, മുഹമ്മദ് സിറാജ്, ജയന്ത് യാദവ്, നവ്ദീപ് സെയ്‌നി.
പ്രതികരിക്കാൻ ഇവിടെ എഴുതുക: