മുംബൈ: വിമാനത്താവളത്തില്‍ വാഹനത്തിന് തീപിടിച്ചു. വിമാനം വലിച്ചുനീക്കുന്നതിനിടെയാണ് ടോ ട്രാക്ടറിന് തീപിടിച്ചത്. എയര്‍ ഇന്ത്യാ വിമാനത്തിന്റെ മുന്‍ഭാഗത്തെ ചക്രത്തെ ബന്ധിപ്പിച്ചുകൊണ്ട് തള്ളി നീക്കുന്നതിനിടെയാണ് ട്രാക്ടറില്‍ നിന്ന് പുക ഉയര്‍ന്ന് തീപിടിച്ചത്.
റണ്‍വേയില്‍ നിന്നും വിമാനങ്ങള്‍ നിര്‍ത്തിയിടാനായി കൊണ്ടുവരുന്ന ഭാഗത്തുവെച്ചാണ് ജീപ്പിന് തീപിടിച്ചത്. എയര്‍ ഇന്ത്യയുടെ എ.ഐ647 എ320 ബോയിംഗ് വിമാനത്തെ തള്ളി നീക്കുന്നതിനിടെയാണ് അഗ്‌നിബാധ ആശങ്കയുണ്ടാക്കിയത്. നിറയെ ഇന്ധനമുണ്ടായിരുന്ന ട്രാക്ടറിലാണ് തീപടര്‍ന്നത്. രാവിലെ പത്തേമുക്കാലിനാണ് സംഭവം. തീ അണയ്‌ക്കാനുള്ള സംവിധാനം അതിവേഗം പ്രവര്‍ത്തിപ്പിച്ചതിനാല്‍ വന്‍ ദുരന്തം ഒഴിവായെന്ന് വിമാനത്താവള അധികൃതര്‍ അറിയിച്ചു.
പ്രതികരിക്കാൻ ഇവിടെ എഴുതുക: