കളമശേരി : ബൈക്ക് മോഷണം തടയുന്നതിനിടെ പോലീസിനു നേരെ ആക്രമണം. എളമക്കര സ്‌റ്റേഷനിലെ എഎസ്‌ഐ ഗിരീഷ് കുമാറിനെ മോഷ്ടാവ് കുത്തി പരിക്കേല്‍പ്പിച്ചു. ഇടപ്പള്ളി മെട്രോ സ്‌റ്റേഷന് സമീപം ബുധനാഴ്ച പുലര്‍ച്ചെയോടെയാണ് സംഭവം.
ബൈക്ക് മോഷ്ടിക്കുന്നത് ശ്രദ്ധയില്‍പ്പെട്ട പോലീസ് ഇയാളെ പിടികൂടാന്‍ ശ്രമിക്കുന്നതിനിടെ മോഷ്ടാവ് പോലീസിനെ ആക്രമിക്കുകയായിരുന്നു. എച്ച്എംടി കോളനിയിലെ ബിച്ചു എന്ന യുവാവാണ് ആക്രമിച്ചത്. കത്തികൊണ്ടുള്ള ആക്രമണത്തില്‍ കൈത്തണ്ടയില്‍ പരിക്കേറ്റ എഎസ്‌ഐയെ ആശുപത്രിയില്‍ പ്രവേശിപ്പിച്ചിരിക്കുകയാണ്.
എഎസ്‌ഐ ഗിരീഷ് കുമാറിനെ ആക്രമിച്ചശേഷം കടന്നുകളയാന്‍ ശ്രമിച്ച ബിച്ചുവിനെ മറ്റ് പോലീസുകാര്‍ ഓടിച്ചിട്ട് പിടികൂടി. ഇയാളെ കോടതിയില്‍ ഹാജരാക്കും.
പ്രതികരിക്കാൻ ഇവിടെ എഴുതുക: