മാഡ്രിഡ്: സ്പാനിഷ് മുന്നേറ്റനിര താരം ജോര്‍ജ് മോളിനയ്ക്ക് റിക്കാര്‍ഡ്. ലാലിഗയില്‍ മല്ലോര്‍ക്കക്കെതിരായ മത്സരത്തില്‍ ഹാട്രിക്ക് കുറിച്ച് ഗ്രാനഡയ്‌ക്ക് വിജയമൊരുക്കിയതോടെയാണ് മോളിനയ്ക്ക് റിക്കാര്‍ഡ് സ്വന്തമായത്. അഞ്ചു യൂറോപ്യന്‍ ലീഗുകളില്‍ ഹാട്രിക്ക് നേടുന്ന ഏറ്റവും പ്രായം കൂടിയ താരമായി മോളിന. 39 വര്‍ഷവും 241 ദിവസവുമാണ് മോളിനയുടെ പ്രായം. മത്സരത്തില്‍ ഗ്രാനഡ ഒന്നിനെതിരെ നാലു ഗോളുകള്‍ക്കാണ് മല്ലോര്‍ക്കയെ പരാജയപ്പെടുത്തിയത്.
മറ്റൊരു മത്സരത്തില്‍ റയല്‍ മാഡ്രിഡിനെ കാഡിസ് ഗോള്‍ രഹിത സമനിലയില്‍ തളച്ചു. കൊവിഡ് മൂലം പ്രമുഖ താരങ്ങള്‍ വിട്ടുനിന്നതാണ് റയല്‍ മാഡ്രിഡിന് വിനയായത്. ഈ സമനിലയോടെ റയല്‍ മാഡ്രിഡ് 18 മത്സരങ്ങളില്‍ 43 പോയിന്റുമായി ഒന്നാം സ്ഥാനത്താണ്. അത്‌ലറ്റിക് ക്ലബ്ബ് രണ്ടിനെതിരെ മൂന്ന് ഗോളുകള്‍ക്ക് റയല്‍ ബെറ്റിസിനെ തോല്‍പ്പിച്ചു. അത്‌ലറ്റിക് ക്ലബ്ബിനായി വില്യംസ് രണ്ട് ഗോള്‍ നേടി. ഡി മാര്‍ക്കോസ് ഒരു ഗോള്‍ അടിച്ചു. ജുവാന്‍മിയും ഫെകിറുമാണ് റയല്‍ ബെറ്റിസിനായി ഗോളുകള്‍ നേടിയത്.
പ്രതികരിക്കാൻ ഇവിടെ എഴുതുക: