ന്യൂദൽഹി: 2022ല്‍ പ്രധാനമന്ത്രി നരേന്ദ്രമോദി സന്ദർശിക്കുന്ന രാജ്യങ്ങളുടെ പട്ടിക പുറത്തുവിട്ടു. ചൈന ഉള്‍പ്പെടെ പത്ത് രാജ്യങ്ങളാണ് പട്ടികയിലുള്ളത്. എന്നാൽ കൊ റോണ സാഹചര്യങ്ങൾ വിലയിരുത്തിയ ശേഷമേ വിദേശ സന്ദർശനം ഉണ്ടാകൂ.
യുഎ ഇ ആയിരിക്കും മോദി ആദ്യം സന്ദർശിക്കുക. ജനുവരിയില്‍ ദുബായില്‍ നടക്കുന്ന എക്സ്പോയിലും പ്രധാനമന്ത്രി പങ്കെടുക്കും. എക്സ്പോയിലെ ഇന്ത്യന്‍ പവലിയന്‍ ഉള്‍പ്പെടെയാണ് സന്ദര്‍ശിക്കുക. അധികാരത്തില്‍ എത്തിയതിന് ശേഷമുള്ള പ്രധാനമന്ത്രിയുടെ നാലാമത്തെ യുഎഇ സന്ദര്‍ശനമായിരിക്കും അത്. ബ്രിക്സ് ഉച്ചകോടിയില്‍ പങ്കെടുക്കാനാണ് ചൈനയിലേക്ക് പോകുന്നത്.
വിവിധ യൂറോപ്യന്‍ രാജ്യങ്ങളിലും സന്ദര്‍ശനം നടത്തും. 2022ല്‍ പ്രധാനമന്ത്രി ഏറ്റവും കൂടുതല്‍ യാത്ര ചെയ്യുന്നത് യൂറോപ്യന്‍ രാജ്യങ്ങളിലേക്കായിരിക്കും. ഇന്തോ- ജര്‍മ്മന്‍ ഇന്റര്‍ ഗവണ്‍മെന്റല്‍ കണ്‍സല്‍ട്ടേഷന്റെ ഭാഗമായി ജര്‍മ്മനി സന്ദര്‍ശിക്കും. ഇത്തവണത്തെ ജി7 ഉച്ചകോടി സംഘടിപ്പിക്കുന്നതും ജര്‍മ്മനിയാണ്. ഇന്തോ- നോഡിക് ഉച്ചകോടിയില്‍ പങ്കെടുക്കാനായി ഡെന്‍മാര്‍ക്ക് സന്ദര്‍ശിക്കും.
ഇന്ത്യ- റഷ്യ ഉച്ചകോടിയില്‍ പങ്കെടുക്കാന്‍ പ്രധാനമന്ത്രി അടുത്ത വര്‍ഷം റഷ്യയിലും എത്തും. ക്വാഡ് സഖ്യത്തിന്റെ യോഗത്തില്‍ പങ്കെടുക്കാന്‍ ജപ്പാന്‍ സന്ദര്‍ശിക്കും. ഇവയ്‌ക്ക് പുറമെ ശ്രീലങ്കന്‍, റുവാണ്ട, കംബോഡിയ, ഉസ്‌ബെക്കിസ്ഥാന്‍ തുടങ്ങിയ രാജ്യങ്ങളിലും പ്രധാനമന്ത്രി അടുത്ത വര്‍ഷം സന്ദര്‍ശനം നടത്തും.
പ്രതികരിക്കാൻ ഇവിടെ എഴുതുക: