ബാഴ്‌സലോണ: മൂന്ന് ഗോളിന്റെ ലീഡ്് കളഞ്ഞുകുളിച്ച ബാഴ്്‌സലോണയ്‌ക്ക് സമനില. ലാ ലിഗിയില്‍ ബാഴ്്‌സ സെല്‍റ്റ വിഗോ സമനിലയില്‍ പിടിച്ചുനിര്‍ത്തി. ഇരു ടീമുകളും മൂന്ന് ഗോള്‍ വീതം നേടി. തുടക്കത്തില്‍ തന്നെ തകര്‍ത്തുകളിച്ച ബാഴ്‌സലോണ 34 മിനിറ്റിനുള്ളില്‍ മൂന്ന് ഗോളുകള്‍ എതിരാളികളുടെ വലയില്‍ അടിച്ചുകയറ്റി. അന്‍സു ഫാറ്റി, സെര്‍ജിയോ ബസ്‌ക്വസ്, ഡീപെ എന്നിവരാണ് ഗോളുകള്‍ നേടിയത്. ഇടവേളയ്‌ക്ക് ബാഴ്‌സ 3-0 ന് മുന്നിട്ടുനിന്നു. എന്നാല്‍ രണ്ടാം പകുതിയില്‍ ഉശിരന്‍ പോരാട്ടം കാഴ്ചവച്ച സെല്‍റ്റ വിഗോ മൂന്ന് ഗോളും മടക്കി. ഇയാഗോ അസ്പാസ് ഇരട്ട ഗോള്‍ നേടി. നോലിറ്റോ ഒരു ഗോള്‍ അടിച്ചു.
മറ്റൊരു മത്സരത്തില്‍ റയല്‍ മാഡ്രിഡ് ഒന്നിനെതിരെ രണ്ട് ഗോളുകള്‍ക്ക് റായോ വല്ലേകാനോയെ പരാജയപ്പെടുത്തി. ക്രൂസും ബെന്‍സേമയുമാണ് ഗോളുകള്‍ നേടിയത്. ഫാല്‍കാവോയാണ് വല്ലേകാനോയുടെ ആശ്വാസ ഗോള്‍ കുറിച്ചത്.
ഈ വിജയത്തോടെ റയല്‍ മാഡ്രിഡ്് 12 മത്സരങ്ങളില്‍ 25 പോയിന്റുമായി ഒന്നാം സ്ഥാനത്ത് തുടരുകയാണ്്.
അതേസമയം, ബാഴ്‌സലോണ 12 മത്സരങ്ങളില്‍ 17 പോയിന്റുമായി ഒമ്പതാം സ്ഥാനത്താണ്.
പ്രതികരിക്കാൻ ഇവിടെ എഴുതുക: