പനാജി: പ്രധാനമന്ത്രി നരേന്ദ്ര മോദി കൂടുതല്‍ ശക്തിയാര്‍ജ്ജിക്കുകയാണെന്ന് പശ്ചിമ ബംഗാള്‍ മുഖ്യമന്ത്രി മമത ബാനര്‍ജി. ഇത് കോണ്‍ഗ്രസിനുള്ള മുന്നറിയിപ്പാണ്.. കോണ്‍ഗ്രസിന്റെ നിസ്സംഗതയും തീരുമാനങ്ങള്‍ എടുക്കാനുള്ള കഴിവില്ലായ്മയുമാണ് ഇതിനു കാരണം.
കോണ്‍ഗ്രസ് രാഷ്‌ട്രീയത്തെ കാര്യമായി എടുക്കുന്നില്ല. കോണ്‍ഗ്രസ് കാരണം മോദിജി കൂടുതല്‍ കരുത്താര്‍ജ്ജിക്കുന്ന ലക്ഷണമാണ് കാണുന്നത്. കോണ്‍ഗ്രസ് അവസരങ്ങള്‍ തുലച്ചുവെന്നും മമത ആരോപിച്ചു.മൂന്ന് ദിവസത്തെ ഗോവ സന്ദര്‍ശനത്തിന്റെ അവസാന ദിവസം പനാജിയില്‍ മാധ്യമപ്രവര്‍ത്തകരോട് സംസാരിക്കുകയായിരുന്നു മമത. അടുത്ത വര്‍ഷം ആദ്യം ഗോവയില്‍ നിയമസഭാ തിരഞ്ഞെടുപ്പ് നടക്കാനിരിക്കുകയാണ്. രുന്ന ഗോവ തിരഞ്ഞെടുപ്പില്‍ 40 സീറ്റുകളിലും മത്സരിക്കുമെന്ന് ടിഎംസി പ്രഖ്യാപിച്ചു.
‘പ്രാദേശിക പാര്‍ട്ടികള്‍ ശക്തമാകണം. ഫെഡറല്‍ ഘടന ശക്തമാകണം. സംസ്ഥാനങ്ങളെ ശക്തമാക്കണം, സംസ്ഥാനങ്ങള്‍ ശക്തമാണെങ്കില്‍ കേന്ദ്രവും ശക്തമാകും. മറ്റൊരു രാഷ്‌ട്രീയ പാര്‍ട്ടിയുടെയും കാര്യങ്ങളില്‍ ഞാന്‍ ഇടപെടുന്നില്ല, എന്റെ രാഷ്‌ട്രീയ പാര്‍ട്ടിയെക്കുറിച്ച് എനിക്ക് പറയാം, ഞങ്ങളുടെ പോരാട്ടം തുടരും. കോണ്‍ഗ്രസിനു വേണമെങ്കില്‍ അവരുടെ രാഷ്‌ട്രീയം തുടരാമെന്നും മമത.
പ്രതികരിക്കാൻ ഇവിടെ എഴുതുക: