കോഴിക്കോട്: പോലീസ് നടത്തിയ പ്രത്യേകം തെരച്ചിലില്‍ മുപ്പത് പിടികിട്ടാപ്പുള്ളികളെ പിടികൂടി. വിവിധ കേസുകളിലായി ഏറെക്കാലമായി ഒളിവിലായിരുന്ന പ്രതികളെയാണ് അറസ്റ്റ് ചെയ്തത്. നഗരത്തിലെ വിവിധ പോലീസ്‌സ്റ്റേഷനുകളില്‍ പിടികിട്ടാപ്പുള്ളികളായി പ്രഖ്യാപിക്കപ്പെട്ടവരാണ് പിടിയിലായത്.
സിറ്റി കമ്മീഷണര്‍ എ.വി. ജോര്‍ജിന്റെ നിര്‍ദേശ പ്രകാരം ഡെപ്യൂട്ടി കമ്മീഷണര്‍ സ്വപ്‌നില്‍ മഹാജന്റെ നേതൃത്വത്തില്‍ കഴിഞ്ഞ രണ്ടു ദിവസങ്ങളിലായി വിവിധ പോലീസ്‌സ്റ്റേഷനുകളിലെ എസ്എച്ച്ഒ കളാണ് പ്രത്യേക പരിശോധനയില്‍ പങ്കെടുത്തത്.
വിവിധ പോലീസ് സ്റ്റേഷനുകളില്‍ പിടിയിലായ പ്രതികളുടെ എണ്ണം: മെഡിക്കല്‍കോളജ് സ്റ്റേഷന്‍-ഒന്ന്, കുന്നമംഗലം-മൂന്ന്, ചേവായൂര്‍-രണ്ട്, എലത്തൂര്‍-മൂന്ന്, നടക്കാവ്-ഏഴ്, വെള്ളയില്‍-അഞ്ച്, ടൗണ്‍-നാല്, കസബ-ഒന്ന്, പന്നിയങ്കര-ഒന്ന്, ട്രാഫിക്-രണ്ട്, ബേപ്പൂര്‍-ഒന്ന്.
പ്രതികരിക്കാൻ ഇവിടെ എഴുതുക: