കോഴിക്കോട്: പന്ത്രണ്ടുകാരനെ നിരന്തരം പ്രകൃതിവിരുദ്ധ പീഡനത്തിന് ഇരയാക്കിയ സ്വകാര്യ വിദ്യഭ്യാസ സ്ഥാപനത്തിലെ അധ്യാപകന്‍ അറസ്റ്റില്‍. കായക്കൊടി ഇടക്കുനിയില്‍ അജ്മല്‍ (39) ആണ് പോലീസിന്റെ പിടിയിലായത്.
കുട്ടിയുടെ രക്ഷിതാക്കളുടെ പരാതിയെ തുടര്‍ന്നാണ് അധ്യാപകനെ പോലീസ് പിടികൂടിയത്. താമരശ്ശേരി പഴയ ബസ്സ്റ്റാന്റിനു സമീപം പ്രവര്‍ത്തിക്കുന്ന സ്വകാര്യ വിദ്യാഭ്യാസ സ്ഥാപനത്തിലെ അദ്ധ്യാപകനാണ് അജ്മല്‍. ഇവിടെ, മാതാവിന്റെ സ്ഥാപനത്തിലെത്തിയ കുട്ടിയെ അജ്മല്‍ കോളേജ് ഓഫീസിലെത്തിച്ച് പീഡിപ്പിക്കുകയായിരുന്നു.
കുട്ടിയെ അന്വേഷിച്ച് മാതാവ് എത്തിയപ്പോഴാണ് സംഭവം പുറത്തറിഞ്ഞത്. തുടര്‍ന്ന് ഇയാളെ തടഞ്ഞുവെച്ച് താമരശ്ശേരി പോലീസില്‍ അറിയിക്കുകയായിരുന്നു. നേരത്തെയും അജ്മല്‍ ഇത്തരത്തില്‍ പീഡിപ്പിച്ചിട്ടുണ്ടെന്ന് വിദ്യാര്‍ത്ഥി പറഞ്ഞു. ഇയാള്‍ക്കെതിരെ പോക്സോ വകുപ്പുകള്‍ ചുമത്തിയാണ് പോലീസ് അറസ്റ്റ് ചെയ്തത്. കോടതി റിമാന്റ് ചെയ്ത പ്രതിയെ വടകര സബ് ജയിലിലേക്കയച്ചു. പീഡനത്തിന് ഇരയായ കുട്ടിയെ വൈദ്യപരിശോധനക്ക് വിധേയമാക്കി.
പ്രതികരിക്കാൻ ഇവിടെ എഴുതുക: