സൈനിക സ്കൂൾ പ്രവേശന പരീക്ഷയുടെ അപേക്ഷ തീയതി നീട്ടി; പരീക്ഷ തീയതിക്ക് മാറ്റമില്ല

തിരുവനന്തപുരം: നാഷണൽ ടെസ്റ്റിംഗ് ഏജൻസി (NTA) നടത്തുന്ന 2022 ലെ ഓൾ ഇന്ത്യ സൈനിക സ്കൂൾ പ്രവേശന പരീക്ഷക്ക് അപേക്ഷിക്കുന്നതിനുള്ള അവസാന തീയതി നവംബർ 05 വരെ നീട്ടി. ആറാം ക്ലാസ്സിലേക്കും ഒൻപതാം ക്ലാസ്സിലേക്കും പ്രവേശനമാഗ്രഹിക്കുന്ന വിദ്യാർത്ഥികൾക്ക് നവംബർ 05  വൈകിട്ട് അഞ്ചു മണിവരെ https://www.aissee.nta.nic.in എന്ന ലിങ്ക് വഴി ഓൺലൈനായി അപേക്ഷിക്കാം.

പരീക്ഷ ഫീസടക്കാനുള്ള അവസാന തീയതി നവംബർ 05 രാത്രി 11:50  വരെയാണ്. നവംബർ 07 മുതൽ 21 വരെ അപേക്ഷയിൽ തിരുത്തലുകൾ വരുത്താൻ അവസരമുണ്ടായിരിക്കുന്നതാണ്. 2022  ജനുവരി ഒൻപതിന് നടത്താൻ നിശ്ചയിച്ചിരിക്കുന്ന പരീക്ഷ തീയതിയിൽ മാറ്റമൊന്നും ഉണ്ടാകില്ല. പരീക്ഷയെ സംബന്ധിച്ച എല്ലാ വിവരങ്ങളും NTAയുടെ വെബ്‌സൈറ്റിൽ പ്രസിദ്ധപ്പെടുത്തുന്നതായിരിക്കും.