ആലപ്പുഴ: ആലപ്പുഴ മുട്ടാര്‍ പഞ്ചായത്തിലെ ദുരിതബാധിതര്‍ക്കായി എത്തിച്ച ഭക്ഷ്യ ദാന്യങ്ങള്‍ സിപിഎം ഓഫീസില്‍. സിപിഎം മിത്രക്കരി തെക്ക് ബ്രാഞ്ച് കമ്മിറ്റി ഓഫീസിലാണ് വിതരണം ചെയ്യാനുള്ള കിറ്റുകള്‍ എത്തിയത്. ബാക്കിയുള്ള പ്രദേശങ്ങള്‍ വെള്ളത്തിലായതിനാലാണ് സാധനങ്ങള്‍ ഇവിടെ എത്തിച്ചതെന്നാണ് സംഭവം വിവാദമായതിന് പിന്നാലെ വില്ലേജ് ഓഫീസര്‍ നടത്തിയ പ്രതികരണം.
മുട്ടാര്‍ പഞ്ചായത്തിലെ 13ാം വാര്‍ഡിലേക്കായി സര്‍ക്കാര്‍ കൈമാറിയതാണ് ഭക്ഷ്യവസ്തുക്കള്‍. ഇവയാണ് പാര്‍ട്ടി ഓഫീസില്‍ എത്തിച്ചത്. ഇനി പാര്‍ട്ടി ഓഫീസ് കേന്ദ്രീകരിച്ച് വിതരണത്തിന് ശ്രമിച്ചാല്‍ ഭക്ഷ്യവസ്തുക്കള്‍ കൈപ്പറ്റേണ്ടെന്ന നിലപാട് എടുത്തിരിക്കുകയാണ് ഒരു വിഭാഗം.
കഴിഞ്ഞ മഴക്കെടുതിയില്‍ വ്യാപക നാശനഷ്ടമാണ് മുട്ടാര്‍ പഞ്ചായത്തില്‍ സംഭവിച്ചത്. നിരവധി വീടുകളില്‍ വെള്ളം കയറിയിരുന്നു. നിരവധി ആള്‍ക്കാരെ ക്യമ്പിലേയ്‌ക്കും ബന്ധു വീട്ടിലേയ്‌ക്കും മാറ്റിതാമസിപ്പിച്ചിരിക്കുകയാണ്.
പ്രതികരിക്കാൻ ഇവിടെ എഴുതുക: