പാരീസ്: ചാമ്പ്യന്‍സ് ലീഗില്‍ കരുത്തരുടെ പോരാട്ടത്തില്‍ മാഞ്ചസ്റ്റര്‍ സിറ്റിയെ വീഴ്ത്തി പിഎസ്ജി. എതിരില്ലാത്ത രണ്ട് ഗോളുകള്‍ക്കാണ് പിഎസ്ജിയുടെ ജയം. സൂപ്പര്‍ താരം ലയണല്‍ മെസിയുടെ കാത്തിരുന്ന ഗോളും ഇന്നലെ പിറന്നു.
എട്ടാം മിനിറ്റില്‍ ഇഡ്രിസ ഗുയെ പിഎസ്ജിക്കായി ആദ്യ ഗോള്‍ നേടി. അപ്രതീക്ഷിത ഗോളില്‍ പിന്നില്‍ പോയ സിറ്റി ഇടയ്്ക്ക് ആക്രമണം വര്‍ധിപ്പിച്ച് ഗോളിനടുത്തെത്തിയെങ്കിലും പിഎസ്ജിയുടെ പ്രതിരോധ നിര തടസമായി. റഹീം സ്റ്റര്‍ലിങ്ങും ബെര്‍ണാര്‍ഡോ സില്‍വയും ഉതിര്‍ത്ത ഷോട്ടുകള്‍ ഗോള്‍പോസ്റ്റിലും തട്ടിയകന്നു. ഒടുവില്‍ ആദ്യ പകുതി പിരിയുമ്പോള്‍ പിഎസ്ജിക്ക് ഒര് ഗോളിന്റെ മുന്‍തൂക്കം. രണ്ടാം പകുതിയിലായിരുന്നു കാത്തിരുന്ന ഗോളിന്റെ സമയം. എംബാപ്പയുമായി നടത്തിയ മാജിക്കല്‍ പാസിങ് ഗെയിം മെസിയുടെ ആദ്യ ഗോളിന് വഴിയൊരുക്കി. ബാഴ്‌സലോണയില്‍ നിന്ന് പിഎസ്ജിയിലെത്തിയ ശേഷമുള്ള ആദ്യ ഗോള്‍. 74-ാം മിനിറ്റിലായിരുന്നു മെസിയുടെ ഗോള്‍.
വിജയത്തോടെ ചാമ്പ്യന്‍സ് ലീഗില്‍ തോല്‍വിയറിയാത്ത സിറ്റിയുടെ മുന്നേറ്റത്തിന് വിലങ്ങുതടിയായി. കഴിഞ്ഞ പതിനെട്ട് മത്സരങ്ങളില്‍ സിറ്റി തുടര്‍ച്ചയായി വിജയിച്ചിരുന്നു.
പ്രതികരിക്കാൻ ഇവിടെ എഴുതുക: