ന്യൂദല്‍ഹി: ബാങ്കിംഗ് ഇടപാടുകള്‍ക്ക് പാന്‍കാര്‍ഡ് ആധാറുമായി ബന്ധിപ്പിക്കല്‍ നിര്‍ബന്ധമാക്കുന്നു. സെപ്റ്റംബര്‍ 30നകം പാന്‍ ആധാറുമായി ബന്ധിപ്പിച്ചില്ലെങ്കില്‍ ബാങ്ക് ഇടപാടുകള്‍ക്ക് തടസ്സം നേരിട്ടേക്കാമെന്ന് സ്റ്റേറ്റ് ബാങ്ക് ഓഫ് ഇന്ത്യ ഇടപാടുകാരെ അറിയിച്ചു.
ആധാറുമായി ബന്ധിപ്പിച്ചില്ലെങ്കില്‍ പാന്‍ അസാധുവാകും. അങ്ങനെവന്നാല്‍ പാന്‍ നല്‍കേണ്ട സാമ്പത്തിക ഇടപാടുകള്‍ നടത്താനാവില്ലെന്നും ബാങ്ക് ട്വീറ്റിലൂടെ വ്യക്തമാക്കി.
ഈ മാസത്തോടെ പാന്‍ ആധാറുമായി ബന്ധിപ്പിക്കണമെന്ന് നാഷണല്‍ സ്റ്റോക്ക് എക്‌സ്‌ചേഞ്ച് ഇടപാടുകാരെ നേരത്തെ അറിയിച്ചിട്ടുണ്ട്. ബാങ്ക് അക്കൗണ്ട് തുടങ്ങാനും പണം നിക്ഷേപിക്കാനും ഉള്‍പ്പടെയുള്ള സാമ്പത്തിക ഇടപാടുകള്‍ക്ക് പാന്‍ നിര്‍ബന്ധമാണ്. പാന്‍ ആധാറുമായി ബന്ധിപ്പിച്ചിക്കാനുള്ള തിയതി കേന്ദ്ര സര്‍ക്കാര്‍ ഇതിനുമുമ്പ് പലതവണ നീട്ടി നല്‍കിയിരുന്നു. നിലവില്‍ സെപ്റ്റംബര്‍ 30 ആണ് അവസാന തിയതി.
പ്രതികരിക്കാൻ ഇവിടെ എഴുതുക: