ന്യൂദല്‍ഹി : കോവിഡ് മഹാമാരി നേരിടുന്നതില്‍ ലോകരാജ്യങ്ങള്‍ക്കിടയില്‍ ഐക്യം വേണമെന്നും ഒറ്റ ഭൂമി ഒരു ആരോഗ്യം എന്ന മുദ്രാവാക്യം അംഗീകരിക്കണമെന്ന് പ്രധാനമന്ത്രി നരേന്ദ്രമോദി. ജി 7് രാജ്യങ്ങളുടെ ഉച്ചകോടിയില്‍ സംസാരിക്കുകയായിരുന്നു അദ്ദേഹം.
ഇന്ത്യയിലെ കോവിഡ് രണ്ടാം തരംഗം നേരിടാന്‍ സഹായിച്ച രാജ്യങ്ങള്‍ക്ക് നന്ദി പറഞ്ഞ പ്രധാനമന്ത്രി പ്രതിസന്ധി ഘട്ടത്തില്‍ രാജ്യത്തെ എല്ലാ മേഖലയും ഒത്തൊരുമിച്ച് പോരാടിയെന്നും അറിയിച്ചു.
വാക്സിന്‍ നിര്‍മാണത്തിനുള്ള അസംസ്‌കൃത വസ്തുക്കള്‍ തുറന്ന വിതരണ ശൃംഖലയില്‍ ലഭ്യമായാല്‍ ഇന്ത്യ പോലുള്ള രാജ്യങ്ങളില്‍ വാക്സിന്‍ ഉത്പ്പാദനം വര്‍ധിപ്പിക്കാന്‍ സാധിക്കുമെന്ന അഭിപ്രായവും മോദി പങ്കുവെച്ചു. ജി 7 രാജ്യങ്ങള്‍ ഇന്ത്യയുടെ ഈ പ്രസ്താവനയ്‌ക്ക് പിന്തുണയും അറിയിച്ചു.
കോവിഡിനെ തുടര്‍ന്ന് ജനുവരി- മെയ് കാലയളവില്‍ ഇന്ത്യയില്‍ രണ്ട് ലക്ഷം ആളുകളാണ് മരിച്ചത്. യുഎസ്, കാനഡ തുടങ്ങിയ രാജ്യങ്ങള്‍ ഓക്സിജന്‍ സിലിണ്ടറുകള്‍ അടക്കം ആവശ്യമുള്ള മെഡിക്കല്‍ ഉപകരണങ്ങള്‍ നല്‍കി ഇന്ത്യയ്‌ക്ക് സഹായം നല്‍കിയിട്ടുണ്ടെന്നും അദ്ദേഹം കൂട്ടിച്ചേര്‍ത്തു.
പ്രതികരിക്കാൻ ഇവിടെ എഴുതുക: