പാരീസ്: ലോക എണ്‍പത്തിയഞ്ചാം നമ്പര്‍ താരം തമാര സിദാന്‍സെക് ഫ്രഞ്ച് ഓപ്പണിന്റെ സെമിഫൈനലില്‍ പ്രവേശിച്ചു. ആവേശകരമായ ക്വാര്‍ട്ടര്‍ ഫൈനലില്‍ സിദാന്‍സെക് ഒന്നിനെതിരെ രണ്ട് സെറ്റുകള്‍ക്ക്് സ്പാനിഷ് താരമായ ബദോസ ജിബര്‍ട്ടിനെ പരാജയപ്പെടുത്തി. സ്‌കോര്‍: 7-5, 4-6, 8-6. ഒരു ഗ്രാന്‍ഡ് സ്ലാം ടൂര്‍ണമെന്റിന്റെ സെമിയിലെത്തുന്ന ആദ്യ സ്ലോവേനിയന്‍ വനിതാ താരമാണ് സിദാന്‍സെക്.
ശക്തമായ പോരാട്ടത്തില്‍ ആദ്യ സെറ്റ് 7-5 ന് സിദാന്‍സെക് നേടി. എന്നാല്‍ രണ്ടാം സെറ്റില്‍ ജിബര്‍ട്ട് തിരിച്ചുവന്നു. 6-4 ന് സെറ്റ് പോക്കറ്റിലാക്കി. നിര്‍ണായകമായ മൂന്നാം സെറ്റില്‍ ഇരുവരും തുടക്കം മുതല്‍ ഒപ്പത്തിനൊപ്പം മുന്നേറി. എന്നാല്‍ അവസാന നിമിഷങ്ങളില്‍ മികവ് കാട്ടിയ സിദാന്‍സെക് സെറ്റ് സ്വന്തമാക്കി സെമിയിലേക്ക് മാര്‍ച്ച് ചെയ്തു.
റോളാങ് ഗാരോസില്‍ പതിനാലാം കിരീടം ലക്ഷ്യമിടുന്ന റാഫേല്‍ നദാല്‍ ക്വാര്‍ട്ടര്‍ ഫൈനലില്‍ കടന്നു. പ്രീ ക്വാര്‍ട്ടറില്‍ ഇറ്റാലിയന്‍ കൗമാരതാരം ജാനിക് സിന്നറെ നേരിട്ടുള്ള സെറ്റുകള്‍ക്ക് പരാജയപ്പെടുത്തി. സ്‌കോര്‍: 7-5, 6-3, 6-0. ഇത് പതിനഞ്ചാം തവണയാണ് നദാല്‍ ഫ്രഞ്ച് ഓപ്പണിന്റെ ക്വാര്‍ട്ടറിലെത്തുന്നത്.
മൂന്നാം സീഡായ നദാല്‍ ക്വാര്‍ട്ടറില്‍ പത്താം സീഡായ ഡീഗോ ഷ്വാര്‍ട്‌സിനെ നേരിടും. പോയ വര്‍ഷം ഫ്രഞ്ച് ഓപ്പണിന്റെ സെമിയില്‍ നദാല്‍ ഷ്വാര്‍ട്‌സിനെ പരാജയപ്പെടുത്തിയിരുന്നു. ജാന്‍ ലെന്നാര്‍ഡ് സ്ട്രഫിനെ നേരിട്ടുള്ള സെറ്റുകള്‍ക്ക് തോല്‍പ്പിച്ചാണ് ഡീഗോ ഷ്വാര്‍ട്‌സ്മാന്‍ ക്വാര്‍ട്ടറിലെത്തിയത്. വനിതകളുടെ എട്ടാം സീഡായ ഇഗാ സ്വയ്‌ടെക്ക്് ക്വാര്‍ട്ടറില്‍ പ്രവേശിച്ചു. പോളീഷ് താരമായ ഇഗ പ്രീ ക്വാര്‍ട്ടറില്‍ ഉക്രെയ്‌നിന്റെ മാര്‍ത്ത കോസ്റ്റിയുക്കിനെ അനായാസം മറികടന്നു. സ്‌കോര്‍: 6-3, 6-4.
ജന്മഭൂമി ഓണ്‍ലൈന്‍
പ്രതികരിക്കാൻ ഇവിടെ എഴുതുക: