ദുബായ്: ഇന്ത്യന്‍ ബോക്‌സര്‍ സാക്ഷി ചൗധരിക്ക് ഏഷ്യന്‍ ചാമ്പ്യന്‍ഷിപ്പ് 54 കിലോഗ്രാം വിഭാഗത്തിന്റെ ഫൈനല്‍ നഷ്ടമായി . സാക്ഷിയുടെ എതിരാളിയായ ടോപ്പ് സീഡ് ദിന സെമിഫൈനല്‍ മത്സരം പുനപ്പരിശോധിക്കണമെന്ന് ആവശ്യപ്പെട്ടതിനെ തുടര്‍ന്ന് നടത്തിയ പരിശോധനയില്‍ ദിന നേരിയ വ്യത്യാസത്തിന് വിജയിച്ചതായി കണ്ടെത്തി.
സെമിഫൈനലില്‍ സാക്ഷി 3-2 ന് വിജയിച്ചതായി ആദ്യം പ്രഖ്യാപിച്ചു. എന്നാല്‍ ഈ തീരുമാനം പുനപ്പരിശോധിക്കണമെന്ന് കസാഖ് താരമായ ദിന ആവശ്യപ്പെടുകയായിരുന്നു. 54 കിലോഗ്രാം വിഭാഗത്തില്‍ കസാഖ്സ്ഥാന്റെ ദിന ഇന്ത്യയുടെ സാക്ഷിയെ തോല്‍പ്പിച്ചതായി ഏഷ്യന്‍ ബോക്‌സിങ് കോണ്‍ഫെഡറേഷന്‍ പ്രഖ്യാപിച്ചു.
അതേസമയം, ആറു തവണ ലോക ചാമ്പ്യനായ മേരി കോം 51 കിലോ ഗ്രാം വിഭാഗത്തിന്റെ ഫൈനലില്‍ കടന്നു. സെമിയില്‍ മേരി കോം സെമിയില്‍ 4-1 ന് മംഗോളിയയുടെ ലുത്സായ്ഖാനെ പരാജയപ്പെടുത്തി.
ജന്മഭൂമി ഓണ്‍ലൈന്‍
പ്രതികരിക്കാൻ ഇവിടെ എഴുതുക: