ന്യൂദല്‍ഹി : കോവിഡ് വാക്‌സിന്റെ രണ്ടാം ഡോസും സ്വീകരിച്ച് പ്രധാനമന്ത്രി നരേന്ദ്രമോദി. ദല്‍ഹി ഓള്‍ ഇന്ത്യ ഇന്‍സ്റ്റിറ്റ്യൂട്ട് ഓഫ് മെഡിക്കല്‍ സയന്‍സിലാണ് പ്രധാനമന്ത്രി വാക്സിന് സ്വീകരിച്ചത്. യോഗ്യരായ എല്ലാവരും ഉടന്‍ രണ്ടാം ഡോസും സ്വീകരിക്കണമെന്നും വാക്സിന് സ്വീകരിച്ചശേഷം നരേന്ദ്രമോദി ജനങ്ങളോട് ആഹ്വാനം ചെയ്തു.
അതിരാവിലെ വാക്സിന് സ്വീകരിച്ച പ്രധാനമന്ത്രി ട്വിറ്ററിലൂടെയാണ് സന്ദേശം നല്‍കിയത്. ‘എയിംസില്‍ നിന്ന് ഞാന്‍ ഇന്ന് രണ്ടാം ഡോസ് വാക്സിന് ലഭിച്ചു. കൊറോണ വൈറസിനെ തോല്‍പ്പിക്കാനുള്ള ഒരു പ്രധാനമാര്‍ഗ്ഗം വാക്സിനേഷനാണ്. നിങ്ങള്‍ക്ക് രണ്ടാം ഡോസ് വാക്സിനേഷന് യോഗ്യതയുണ്ടെങ്കില്‍ നിശ്ചയമായും ഉടന്‍ സ്വീകരിക്കുകയെന്നും മോദി ട്വിറ്ററിലൂടെ അറിയിച്ചു.
രണ്ടു നഴ്സുമാരുടെ സാന്നിധ്യത്തിലാണ് വാക്സിനേഷന് നടപടി പൂര്‍ത്തിയായത്. പുതുച്ചേരിയിലെ പി.നിവേദയും പഞ്ചാബ് സ്വദേശിനി നിഷാ ശര്‍മ്മയുമാണ് പ്രധാന മന്ത്രിയുടെ വാക്സിനേഷന്റെ നടപടിക്രമങ്ങളുടെ ചുമതല വഹിച്ചത്. മാര്‍ച്ച് മാസം 1-ാം തീയതിയാണ് പ്രധാനമന്ത്രി ആദ്യ ഡോസ് സ്വീകരിച്ചത്.
പ്രതികരിക്കാൻ ഇവിടെ എഴുതുക: