ജമൈക്ക: ക്യാപ്റ്റന്‍ വിരാട് കോഹ്‌ലിയുടെ കീഴിലുള്ള ടീം എക്കാലത്തെയും മികച്ച ഇന്ത്യന്‍ ടീമാണെന്ന് വെസ്റ്റ്ഇന്‍ഡീസ് ഇതിഹാസതാരം ക്ലൈവ് ലോയ്ഡ്. ഈ ടീമിനെക്കുറിച്ച് തനിക്ക് ഏറെ മതിപ്പാണുള്ളത്. നിലവിലെ ഇന്ത്യന്‍ ടീമിന് വൈവിധ്യമുള്ള ഒട്ടേറെ കളിക്കാരുണ്ടെന്നും അവരെല്ലാം മുന്‍തലമുറയിലെ കളിക്കാരെക്കാളും കായികക്ഷമതയുള്ളവരാണെന്നും ടെലഗ്രാഫിന് നല്‍കിയ അഭിമുഖത്തില്‍ ലോയ്ഡ് പറഞ്ഞു.
ഓസ്‌ട്രേലിയയിലെ പ്രതികൂല സാഹചര്യത്തില്‍ പോലും പരമ്പര വിജയവുമായി മടങ്ങിയതാണ് ഈ ടീമിനെ എക്കാലത്തെയും മികച്ച ഇന്ത്യന്‍ ടീമാക്കുന്നത്. മുന്‍കാലത്തെ ടീമിനെ അപേക്ഷിച്ച് കായികക്ഷമതയിലും പ്രൊഫഷണിലസത്തിലും ഇപ്പോഴത്തെ ടീം ബഹുദൂരം മുന്നിലാണ്.
ജസ്പ്രീത് ബുമ്രയുടെ സാന്നിധ്യമാണ് ഇന്ത്യയെ അപകടകാരികളാക്കുന്നത്. ടീം പ്രതിസന്ധിയിലാകുമ്പോഴൊക്കെ അദ്ദേഹം രക്ഷകനായി എത്തും. സ്വിങ് ചെയ്യിക്കാനും അപകടരമായ ബൗണ്‍സര്‍ എറിഞ്ഞ് ബാറ്റ്‌സ്മാനെ ഞെട്ടിക്കാനും സ്ലോ ബോളെറിഞ്ഞ് കബളിപ്പിക്കാനും അദ്ദേഹത്തിനാവും. അതൊക്കെകൊണ്ടാണ് ഇന്ത്യ ഇപ്പോള്‍ മികച്ചരുടെ സംഘമാവുന്നതെന്നും ലോയ്ഡ് കൂട്ടിച്ചേര്‍ത്തു.
പ്രതികരിക്കാൻ ഇവിടെ എഴുതുക: