കൊച്ചി: ബംഗ്ലാദേശ് യുദ്ധവിജയത്തിന്റെ അമ്പതാം വാര്‍ഷികത്തിന്റെ പ്രതീകമായ വിജയദീപശിഖയ്‌ക്ക് കൊച്ചി നാവികസേനാ ആസ്ഥാനത്ത് പ്രൗഢ സ്വീകരണം നല്‍കി. സേനയുടെ പരമ്പരാഗത രീതിയില്‍, ദക്ഷിണ നാവിക സേനാ മേധാവി വൈസ് അഡ്മിറല്‍ എ.കെ. ചാവ്‌ല നാവിക ആസ്ഥാനത്തെ യുദ്ധ സ്മാരകത്തില്‍ സ്വീകരിച്ചു. യുദ്ധത്തില്‍ പങ്കെടുത്തവരും മുതിര്‍ന്ന സൈനിക ഉദ്യോഗസ്ഥരും നാവികരും പങ്കെടുത്തു.
യുദ്ധത്തില്‍ പങ്കെടുത്തവരോടുള്ള ആദര സൂചകമായി, വിരമിച്ച സിപിഒ: സി.എക്‌സ്. ജോണ്‍ (ഞാറയ്‌ക്കല്‍), ടി.കെ. മിഖായേല്‍ (കരുമാല്ലൂര്‍), സബ് ലഫ്. വി.എ. പാപ്പച്ചന്‍ (വരാപ്പുഴ) എന്നിവരുടെ വീടുകളില്‍ ഇന്ന് ദീപശിഖ എത്തിക്കും. നാവികസേനയുടെ ബാന്‍ഡും സെറിമോണിയല്‍ ഗാര്‍ഡും അനുഗമിക്കും.
ജന്മഭൂമി ഓണ്‍ലൈന്‍
പ്രതികരിക്കാൻ ഇവിടെ എഴുതുക: