കോട്ടയം:ഭക്തിയുടെ നിറവില് ഭാഗവതഹംസം മള്ളിയൂര് ശങ്കരന് നമ്പൂതിരിയുടെ ജന്മശതാബ്ദി ആഘോഷം. ആദ്ധ്യാത്മിക സാമൂഹിക സാംസ്ക്കാരിക രാഷ്ട്രീയ രംഗത്ത പ്രമുഖര് പങ്കെടുത്തു.
വാഴൂര് തീര്ത്ഥപാദാശ്രമം മഠാധിപതി പ്രജ്ഞാനാനന്ദ തീര്ത്ഥപാദ സ്വാമികളുടെ മുഖ്യകാര്മ്മികത്വത്തില് സംന്യാസിശ്രേഷ്ഠരും മറ്റുപ്രമുഖരും ഭക്തരും ചേര്ന്ന് നൂറു ദീപങ്ങള് തെളിച്ചതോടെയാണ് ജന്മശതാബ്ദി സമ്മേളനത്തിന് തുടക്കമായത്. മള്ളിയൂർ ക്ഷേത്രം തന്ത്രി മനയാത്തിറ്റല്ലത്ത് ആര്യൻ നമ്പൂതിരി പൂജ ചെയ്ത ശങ്കരസ്മൃതി മണ്ഡപത്തിന്റെ ശിലാന്യാസം പ്രജ്ഞാനാനന്ദ തീർത്ഥപാദ സ്വാമി അനാച്ഛാദനം ചെയ്തു.
മള്ളിയൂര് ഗണേശപുരസ്കാരം സംഗീത സംവിധായകന് ആലപ്പി രംഗനാഥിനും, മള്ളിയൂര് ജീവിതം ദര്ശനം ഗ്രന്ഥകര്ത്താവ് എന്. അജിതന് നമ്പൂതിരിക്കും മള്ളിയൂര് പരമേശ്വരന് നമ്പൂതിരി സമര്പ്പിച്ചു. മള്ളിയൂര് ദിവാകരന് നമ്പൂതിരി ഇരുവരെയും പൊന്നാട അണിയിച്ചു. പദ്മശ്രീ പുരസ്കാര ജേതാവ് കൈതപ്രം ദാമോരന് നമ്പൂതിരിയെ മള്ളിയൂര് പരമേശ്വരന് നമ്പൂതിരി പൊന്നാട അണിയിച്ച് ആദരിച്ചു. പിന്നീട് ആര്ക്കിടെക്റ്റ് ശോഭക് തോമസിനെയും ആദരിച്ചു.
എംഎല്എമാരായ മോന്സ് ജോസഫ്, പി.സി. ജോര്ജ്ജ്, മാർഗദർശകമണ്ഡൽ സംസ്ഥാന ജനറൽ സെക്രട്ടറി സ്വാമി സത്സ്വരൂപാനന്ദ സരസ്വതി, അയ്യപ്പസേവാസമാജം ദേശീയ വൈസ് പ്രസിഡന്റ് സ്വാമി അയ്യപ്പദാസ്, ജനം ടി.വി ചീഫ് എഡിറ്റര് ജി.കെ. സുരേഷ് ബാബു, തുടങ്ങിയവര് ശങ്കരസ്മൃതി പ്രഭാഷണം നടത്തി. ചെങ്കോട്ടുകോണം ശ്രീരാമദാസാശ്രമം മഠാധിപതി സ്വാമി ബ്രഹ്മപാദാനന്ദ സരസ്വതി, പ്രാണോപാസന, ചോറ്റാനിക്കര സ്വാമി തത്വതീർത്ഥ, പാലക്കാട് ശിവാനന്ദാശ്രമം സ്വാമി മംഗളാനന്ദ സരസ്വതി & രാജാനന്ദ സരസ്വതി, കൊടുവായൂർ യോഗികൃഷ്ണാനന്ദഗിരി സ്വാമി, ആറ്റിങ്ങൾ അംബികാനന്ദ ആശ്രമം അംബികാനന്ദ സരസ്വതി സ്വാമി, ഹരിദ്വാർ അഭയദത് ഗംഗാമയ്യാ ആശ്രമം സ്വാമി പ്രണവാനന്ദ ഭാരതി, ഹരിദ്വാർ നിരജ്ജിത അകാട വിനായകഗിരി സ്വാമി, മള്ളിയൂര് ക്ഷേത്രം തന്ത്രി മനയത്താറ്റില്ലത്ത് ആര്യന് നമ്പൂതിരി, പമ്പ ക്ഷേത്രം മുൻ മേല്ശാന്തി സുരേഷ് ആര്. പോറ്റി, ആചാര്യന്മാരായ ശ്രീ. മരങ്ങാട് മുരളീകൃഷ്ണൻ നമ്പൂതിരി, ശ്രീ. പ്രശാന്ത് വർമ്മ, പ്രൊഫ. ഉണ്ണികൃഷ്ണൻ നമ്പൂതിരി, ശ്രീ. പള്ളിക്കൽ സുനിൽ, ബിജെപി സംസ്ഥാന സമിതി അംഗം എന്. ഹരി, ഹിന്ദുഐക്യവേദി ജില്ലാ ജനറല് സെക്രട്ടറി രാജേഷ് നട്ടാശ്ശേരി, എന്. സോമശേഖരന്, സി.പി. മധുസൂദനന്, തുടങ്ങിയവര് പങ്കെടുത്തു.
പിന്നീട് തിരിവഞ്ചൂർ എം.എൽ.എയും ജന്മശതാബ്ദി ആഘോഷങ്ങൾക്ക് ആശംസ അറിയിക്കാൻ മള്ളിയൂർ ക്ഷേത്രത്തിലെത്തി.
രാവിലെ ഏലൂര് ബിജു സോപാന സംഗീതാര്ച്ചനയും, ഉച്ചയ്ക്ക് ശേഷം പ്രശാന്ത് വര്മ്മയും സംഘവും മാനസജപലഹരിയും അവതരിപ്പിച്ചു.
മള്ളിയൂര് ശങ്കരസ്മൃതി പുരസ്കാരം പത്മഭൂഷൺ ശ്രീ. എമ്മിനും, മള്ളിയൂര് സുഭദ്ര അന്തര്ജ്ജനം പുരസ്കാരം മുന് മിസ്സോറാം ഗവര്ണര് കുമ്മനം രാജശേഖരനും പിന്നീട് സമർപ്പിക്കും.
പ്രതികരിക്കാൻ ഇവിടെ എഴുതുക: