ചാലക്കുടി: മൊബൈല്‍ ഫോണും പണവും മോഷ്ടിച്ച യുവാവ് പിടിയില്‍. കൊരട്ടി കട്ടപ്പുറം സ്വദേശി പുളിക്കല്‍ വീട്ടില്‍ ശങ്കറി(46)നെയാണ് കൊരട്ടി ഇന്‍സ്‌പെക്ടര്‍ എസ്എച്ച്ഒ ബി.കെ. അരുണിന്റെ നേതൃത്വത്തില്‍ അറസ്റ്റ് ചെയ്തത്.
മൂന്നാം തീയതിയായിരുന്നു സംഭവം. ഉച്ചക്ക് കൊരട്ടി പള്ളിക്കടുത്ത് നിര്‍മാണം നടന്നുകൊണ്ടിരിക്കുന്ന കെട്ടിടത്തിനുള്ളില്‍ അതിക്രമിച്ചു കയറി ഒറീസ സ്വദേശിയായ ജിതിന്‍ ഷെട്ടി എന്നയാളുടെ ബാഗില്‍ നിന്ന് 8000 രൂപയും, 19000 രൂപ വിലവരുന്ന മൊബൈല്‍ ഫോണുമാണ് മോഷ്ടിച്ചത്. പ്രതിയില്‍ നിന്ന് ഫോണും, പണവും പിടിച്ചെടുത്തു.
എസ്‌ഐമാരായ ഷാജു എടത്താടന്‍, സി.കെ. സുരേഷ്, എഎസ്‌ഐ എം.എസ്. പ്രദീപ്, സീനിയര്‍ സിപിഒ രഞ്ജിത്, സിപിഒ ഷഫീക്ക് എന്നിവരും അന്വേഷണ സംഘത്തിലുണ്ടായിരുന്നു.
പ്രതികരിക്കാൻ ഇവിടെ എഴുതുക: