കോഴിക്കോട്: എന്റെ വോട്ട് എന്‍ഡിഎക്ക് എന്ന് സന്ദേശവുമായി ബിജെപി സംഘടിപ്പിക്കുന്ന സെല്‍ഫി വീഡിയോ കാമ്പയിന് തുടക്കമായി. കാമ്പയിന്റെ ഭാഗമായി, അഴിമതി മുക്തഭരണത്തിനായി ഇടതു വലതു മുന്നണികളെ പുറത്താക്കാന്‍ എന്റെ വോട്ട് എന്‍ഡിഎ സ്ഥാനാര്‍ത്ഥികള്‍ക്ക് എന്ന് പറഞ്ഞു കൊണ്ടുള്ള സെല്‍ഫി വീഡിയോ എടുത്ത് നവമാധ്യമങ്ങളില്‍ ഷെയര്‍ ചെയ്യും.
ഇന്നലെ എന്‍ഡിഎ കോഴിക്കോട് കോര്‍പ്പറേഷന്‍ തെരഞ്ഞെടുപ്പ് കമ്മറ്റി ഓഫീസില്‍ നടന്ന ചടങ്ങില്‍ ബിജെപി സംസ്ഥാന വൈസ് പ്രസിഡന്റ് എ.എന്‍ രാധാകൃഷ്ണന്‍ സെല്‍ഫി വീഡിയോ എടുത്ത് കാമ്പയിന്റെ ഉദ്ഘാടനം നിര്‍വ്വഹിച്ചു. ജില്ലാ പ്രസിഡന്റ് അഡ്വ. വി.കെ. സജീവന്‍ ചടങ്ങില്‍ അദ്ധ്യക്ഷനായി. ബിജെപി മേഖലാ ജനറല്‍ സെക്രട്ടറി പി. ജിജേന്ദ്രന്‍, ജില്ലാ വൈസ് പ്രസിഡന്റുമാരായ അഡ്വ. കെ.വി. സുധീര്‍, ടി. ദേവദാസ്, യുവമോര്‍ച്ച ജില്ലാ പ്രസിഡന്റ് ടി. രനീഷ് എന്നിവര്‍ പങ്കെടുത്തു.
പ്രതികരിക്കാൻ ഇവിടെ എഴുതുക: