ലണ്ടന്‍: പ്രീമിയര്‍ ലീഗില്‍ ചെല്‍സിക്കും മാഞ്ചസ്റ്റര്‍ യുണൈറ്റഡിനും വിജയം. അതേസമയം ലീഡ്‌സ് യുണൈറ്റഡ് ഒന്നിനെതിരെ നാലു ഗോളുകള്‍ക്ക് ക്രിസ്റ്റല്‍ പാലസിനോട് തോറ്റു. ചെല്‍സി ഒന്നിനെതിരെ നാലു ഗോളുകള്‍ക്ക് ഷെഫീല്‍ഡ് യുണൈറ്റഡിനെയാണ് തോല്‍പ്പിച്ചത്. മാഞ്ചസ്റ്റര്‍ യുണൈറ്റഡ് ഒന്നിനെതിരെ മൂന്ന് ഗോളുകള്‍ക്ക് എവര്‍ട്ടണെ മറികടന്നു.
ഒമ്പതാം മിനിറ്റില്‍ മാക്‌ഗോള്‍ഡ്‌റിക്, ഷെഫീല്‍ഡിനെ മുന്നിലെത്തിച്ചു. ഗോള്‍ വീണതോടെ ശക്തമായി പൊരുതിയ ചെല്‍സി 23-ാം മിനിറ്റില്‍ അബ്രഹാമിലൂടെ ഗോള്‍ മടക്കി. പതിമൂന്ന് മിനിറ്റുകള്‍ക്കു ശേഷം ചില്‍വെല്‍ ചെല്‍സിക്ക് ലീഡ് നേടിക്കൊടുത്തു. രണ്ടാം പകുതിയില്‍ തിയാഗോ സില്‍വയും വെര്‍ണറും ഗോള്‍ അടിച്ചതോടെ ചെല്‍സി 4-1 ന് ജയിച്ചു. ഈ വിജയത്തോടെ ചെല്‍സി എട്ട്് മത്സരങ്ങളില്‍ പതിനഞ്ച് പോയിന്റുമായി മൂന്നാം സ്ഥാനത്തെത്തി. ബ്രൂണോ ഫെര്‍ണാണ്ടസിന്റെ ഇരട്ട ഗോളിന്റെ മികവിലാണ് മാഞ്ചസ്റ്റര്‍ യുണൈറ്റഡ് എവര്‍ട്ടണെ തോല്‍പ്പിച്ചത്. കവാനി ഒരു ഗോള്‍ നേടി.
ബെര്‍ണാഡാണ് എവര്‍ട്ടണിന്റെ ആശ്വാസ ഗോള്‍ നേടിയത്. മറ്റൊരു മത്സരത്തില്‍ വെസ്റ്റ് ഹാം യുണൈറ്റഡ്് ഏകപക്ഷീയമായ ഒരു ഗോളിന് ഫുല്‍ഹാമിനെ പരാജയപ്പെടുത്തി.
പ്രതികരിക്കാൻ ഇവിടെ എഴുതുക: