ലണ്ടന്‍: ന്യൂകാസില്‍ യുണൈറ്റഡിനെ മടക്കമില്ലാത്ത രണ്ട് ഗോളുകള്‍ക്ക് തോല്‍പ്പിച്ച് സതാംപ്റ്റണ് പ്രീമിയര്‍ ലീഗില്‍ പോയിന്റ് നിലയില്‍ മുന്നിലെത്തി. 1988നുശേഷം ഇതാദ്യമായാണ് സതാംപ്റ്റണ് മുന്നിലെത്തുന്നത്.
ഏഴാം മിനിറ്റില്‍ ആദംസ് സതാംപ്റ്റണെ മുന്നിലെത്തിച്ചു. 82-ാം മിനിറ്റില്‍ സ്റ്റുവര്‍ട്ട് ആംസ്‌ട്രോങ് രണ്ടാം ഗോളും നേടി. ഈ സീസണില്‍ സതാംപ്റ്റണിന്റെ അഞ്ചാം വിജയമാണിത്. ഇതോടെ എട്ട് മത്സരങ്ങളില്‍ പതിനാറു പോയിന്റുമായി അവര്‍ മുന്നിലെത്തി. നിലവിലെ ചാമ്പ്യന്മാരായ ലിവര്‍പൂളിനും പതിനാറ് പോയിന്റുണ്ടെങ്കിലും ഗോള്‍ ശരാശരിയില്‍ അവര്‍ സതാംപ്റ്റണ് പിന്നിലാണ്. അതേസമയം ന്യൂകാസില്‍ പതിനൊന്ന് പോയിന്റുമായി പതിനൊന്നാം സ്ഥാനത്താണ്.
മറ്റൊരു മത്സരത്തില്‍ ബ്രൈട്ടണ്‍ ബേണ്‍ലിയെ ഗോള്‍ രഹിത സമനിലയില്‍ തളച്ചു.
പ്രതികരിക്കാൻ ഇവിടെ എഴുതുക: