കൊല്‍ക്കത്ത: പതിനാലാമത ഐ ലീഗ് ജനുവരി ഒമ്പതിന് കൊല്‍ക്കത്തയിയില്‍ ആരംഭിക്കും. പതിനൊന്ന് ടീമുകള്‍ മത്സരിക്കും. എല്ലാ ടീമുകളും അവരുടെ ആദ്യ മത്സരത്തിന് പതിനാല് ദിവസം മുമ്പ് ബയോ-സെക്യുലര്‍ ബബിളില്‍ പ്രവേശിക്കണം. മത്സരങ്ങള്‍ വണ്‍ സ്‌പോര്‍ട്‌സ് തത്സമയം കാണിക്കും.
ആദ്യ പാദത്തില്‍ പതിനൊന്ന് ടീമുകളും പരസ്പരം ഏറ്റുമുട്ടും. പിന്നീട് ടീമുകള്‍ രണ്ട് ഗ്രൂപ്പുകളിലായി മത്സരിക്കും. പോയിന്റ് നിലയില്‍ മുന്നിലെത്തുന്ന ആറു ടീമുകള്‍ പരസ്പരം ഏറ്റുമുട്ടും. ഏറ്റവും കൂടുതല്‍ പോയിന്റ് ലഭിക്കുന്ന ടീം ജേതാക്കളാകും.
കേന്ദ്ര സര്‍ക്കാരിന്റെ ആരോഗ്യ മാര്‍ഗനിര്‍ദേശങ്ങള്‍ അനുസരിച്ചാണ് ടൂര്‍ണമെന്റ് നടത്തുക. സ്‌റ്റേഡിയത്തില്‍ കാണികള്‍ക്ക് പ്രവേശനം ഉണ്ടാകില്ല. ഈ സീസണിലെ എല്ലാ മത്സരങ്ങളും കൊല്‍ക്കത്തിയിലാണ് നടത്തുക.
ചെന്നൈ സിറ്റി എഫ്‌സി, ഐസ്വാള്‍ എഫ്‌സി, ചര്‍ച്ചില്‍ ബ്രദേഴ്‌സ് തുടങ്ങിയ കിരീട സാധ്യത നിലനിര്‍ത്തുന്ന ടീമുകളാണ്.
പ്രതികരിക്കാൻ ഇവിടെ എഴുതുക: