കോഴിക്കോട്: വേളത്ത് ബിജെപിയില്‍ ചേര്‍ന്ന മൊയ്തു മുസ്ല്യാര്‍ക്കും കുടുംബത്തിനും നേരെയുണ്ടായ അക്രമത്തില്‍ ന്യൂനപക്ഷമോര്‍ച്ച കോഴിക്കോട് ജില്ലാ കമ്മറ്റി പ്രതിഷേധിച്ചു. മുസ്ലീംലീഗ് നേതാക്കളുടെ നേതൃത്വത്തിലാണ് വീട് കയറി അക്രമം നടത്തിയത്.
കുട്ടികള്‍ക്കും സ്ത്രീകള്‍ക്കുമടക്കം അക്രമത്തില്‍ പരിക്കേറ്റു. അക്രമികളെ എത്രയും പെട്ടെന്ന് നിയമത്തിനു മുന്നില്‍ കൊണ്ടുവരണമെന്നും മൊയ്തു മുസ്ല്യാരെയും കുടുംബാംഗങ്ങളെയും സന്ദര്‍ശിച്ച ന്യൂനപക്ഷമോര്‍ച്ച സംഘം ആവശ്യപ്പെട്ടു.
ന്യൂനപക്ഷ മോര്‍ച്ച സംസ്ഥാന ഉപാധ്യക്ഷന്‍ അഡ്വ. മുഹമ്മദ് റിഷാല്‍, ജില്ലാ പ്രസിഡന്റ് ജോണി കുമ്പുളുങ്കല്‍, കര്‍ഷകമോര്‍ച്ച ക്രിയേറ്റീവ് സെല്‍ സംസ്ഥാന കണ്‍വീനര്‍ ജോസ് കുട്ടി, ന്യൂനപക്ഷ മോര്‍ച്ച കോഴിക്കോട് ജില്ലാ ജനറല്‍ സെക്രട്ടറി ഷേക്ക് ഷാഹിദ് , ന്യൂനപക്ഷ മോര്‍ച്ച വയനാട് ജില്ലാ ഉപാധ്യക്ഷന്‍ മജീദ് ഉസ്താദ്, ന്യൂനപക്ഷ മോര്‍ച്ച കുറ്റ്യാടി മണ്ഡലം പ്രസിഡന്റ് കാസിം ഹാജി, ബിജെപി കുറ്റ്യാടി പഞ്ചായത്ത് പ്രസിഡന്റ് സുരേന്ദ്രന്‍, വേളം പഞ്ചായത്ത് പ്രസിഡന്റ് മോഹനന്‍, കര്‍ഷകമോര്‍ച്ച ജില്ലാ സെക്രട്ടറി സുധീര്‍ തുടങ്ങിയവര്‍ മൊയ്തു മുസ്ല്യാരുടെ വീട്ടിലെത്തി പിന്തുണ അറിയിച്ചു.
പ്രതികരിക്കാൻ ഇവിടെ എഴുതുക: