തൊടുപുഴ: യുഡിഎഫ് ആവശ്യപ്പെട്ടാല്‍ പാലായില്‍ മത്സരിക്കുമെന്ന് ജോസ് കെ. മാണിയുടെ സഹോദരി ഭര്‍ത്താവ് എം.പി. ജോസഫ് ഐഎഎസ്. പി.ജെ. ജോസഫ് എംഎല്‍എയെ തൊടുപുഴ പുറപ്പുഴയിലെ വീട്ടിലെത്തി കണ്ടതിന് ശേഷം സംസാരിക്കുകയായിരുന്നു അദ്ദേഹം.
ഇടത് പക്ഷത്തിനൊപ്പം പോകാന്‍ ഒരിക്കലും ആഗ്രഹിച്ച ആളല്ല കെ.എം. മാണി. ജോസ് കെ. മാണിയുടെ നിലപാടില്‍ കേരള കോണ്‍ഗ്രസില്‍ ഭൂരിപക്ഷം പേര്‍ക്കും അതൃപ്തിയുണ്ടെന്നും ഇടത് മുന്നണി പ്രവേശം അംഗീകരിക്കാനാകില്ലെന്നും അദ്ദേഹം മാധ്യമങ്ങളോട് പറഞ്ഞു. താന്‍ എപ്പോഴും കോണ്‍ഗ്രസിനൊപ്പമാണ് നിലകൊണ്ടിട്ടുള്ളത് അത് തുടരും. പ്രതിസന്ധി ഘട്ടങ്ങളില്‍ പോലും യുഡിഎഫിനൊപ്പം നിലകൊണ്ട ആളാണ് മാണിയെന്നും എം.പി. ജോസഫ് പറഞ്ഞു.
അതേ സമയം കൂടുതല്‍ പേര്‍ ജോസ് കെ. മാണി വിഭാഗം വിട്ട് വരുമെന്ന് പി.ജെ. ജോസഫ് എംഎല്‍എ പറഞ്ഞു. തദ്ദേശ തെരെഞ്ഞെടുപ്പില്‍ കേരള കോണ്‍ഗ്രസ് മത്സരിച്ച സീറ്റുകളില്‍ ആദ്യ പരിഗണന നല്‍കേണ്ടത് തങ്ങള്‍ക്ക് ആണെന്നും അദ്ദേഹം പറഞ്ഞു.
പ്രതികരിക്കാൻ ഇവിടെ എഴുതുക: