കൊയിലാണ്ടി: രണ്ടു വയസുകാരിക്ക് ലഭിച്ച സമ്മാനതുക സേവാഭാരതിയുടെ കോവിഡ് പ്രതിരോധ പ്രവര്‍ത്തനങ്ങള്‍ക്ക്. ഊരള്ളൂരിലെ ഗോകുലത്തില്‍ ഗോകുല്‍ദാസ് – ശരണ്യ ദമ്പതികളുടെ മകളായ ഭദ്ര പാര്‍വതിയ്‌ക്ക് ലഭിച്ച സമ്മാനതുകയാണ് കോവിഡ് പ്രതിരോധ പ്രവര്‍ത്തനങ്ങള്‍ക്ക് നല്‍കിയത്.
കാഞ്ഞങ്ങാട് നിവേദിത ബാലഗോകുലം ഓണ്‍ലൈനായി നടത്തിയ ശ്രീകൃഷ്ണവേഷമത്സരത്തില്‍ ഒന്നാം സ്ഥാനം നേടിയപ്പോള്‍ ലഭിച്ച 3000 രൂപയാണ് സേവനപ്രവര്‍ത്തനങ്ങള്‍ക്കായി കൊയിലാണ്ടി സേവാഭാരതിയെ ഏല്‍പ്പിച്ചത്.
ഭദ്ര പാര്‍വതിയുടെ മുത്തച്ഛനും സേവാഭാരതി പ്രവര്‍ത്തകനുമായ ഗോപി ഊരള്ളൂര്‍, ഗോകുല്‍ദാസ്, വൈഷ്ണവ് എന്നിവര്‍ സേവാഭാരതി ഓഫീസിലെത്തി സെക്രട്ടറി കല്ലേരി മോഹനന് തുക കൈമാറി. അനില്‍ അരങ്ങില്‍, മുരളി, ദയാനന്ദന്‍ തുടങ്ങിയവര്‍ പങ്കെടുത്തു.
പ്രതികരിക്കാൻ ഇവിടെ എഴുതുക: