പുന്നപ്ര: കോവിഡ് പോസിറ്റീവായ കുടുംബം താമസിക്കുന്ന വീട്ടിലെ തകരാറിലായ വൈദ്യുതി പുനഃസ്ഥാപിക്കാന്‍ മുന്നിട്ടിറങ്ങിയ പോലീസിന് ബിഗ് സല്യൂട്ട്. പുന്നപ്ര പോലീസാണ് മാതൃകാപരമായ ഈ പ്രവര്‍ത്തനം ഏറ്റെടുത്തത്. കഴിഞ്ഞ ദിവസം വൈകുന്നേരം ഏഴോടെയാണ് സ്റ്റേഷനില്‍ ഒരു ഫോണ്‍കോള്‍ വന്നത്. അവസാന പ്രതീക്ഷയിലാണ് നിങ്ങളെ വിളിക്കുന്നത്. ഇതായിരുന്നു ഫോണിലൂടെ വന്ന സന്ദേശം.
ഫോണെടുത്ത സിപിഒ അനീഷ് ബാബു വിവരം എസ്‌ഐ അജിത് കുമാറിനെ അറിയിച്ചു. നടപടി സ്വീകരിക്കാന്‍ ജനമൈത്രി ടീമിനോട് എസ്‌ഐ നിര്‍ദേശിച്ചു. ഇലക്ട്രീഷന്‍ ഷിഹാബിനെ ബിജോയ് വിളിച്ചു കാര്യങ്ങള്‍ പറഞ്ഞു. കുടുംബാംഗങ്ങള്‍ക്ക് കോവിഡായതിനാല്‍ പിപിഇ കിറ്റ് ധരിച്ച് അകത്തുകയറി ഷിഹാബ് വൈദ്യുതിതകരാറും പരിഹരിച്ചു. വീട്ടില്‍ പ്രകാശം പരന്നതോടെ എല്ലാവരുടെയും മുഖത്ത് സന്തോഷവും നിറഞ്ഞു.
പ്രതികരിക്കാൻ ഇവിടെ എഴുതുക: