തൃശൂര്‍: പട്ടികജാതി ഫണ്ട വകമാറ്റി ചെലവഴിക്കുന്നതും ലാപ്‌സാക്കുന്നതും ഗുരുതര കുറ്റമാണെന്നിരിക്കെ പട്ടികജാതി വികസന ഫണ്ട് ലാപ്‌സാക്കിയ ത്രിതല പഞ്ചായത്തുകള്‍ക്കെതിരെ കേസെടുക്കാന്‍ സംസ്ഥാന പട്ടികജാതി ഗോത്ര വര്‍ഗ കമ്മീഷന്‍ തയ്യാറാകണം എന്ന് ബിജെപി പട്ടിക ജാതി മോര്‍ച്ച സംസ്ഥാന പ്രസിഡന്റ് ഷാജുമോന്‍ വട്ടേക്കാട് ആവശ്യപ്പെട്ടു. പട്ടികജാതി ഫണ്ട് ലാപ്‌സാക്കിയതില്‍ പ്രതിക്ഷേധിച്ച് ബിജെപി പട്ടികജാതി മോര്‍ച്ച തൃശൂര്‍ ജില്ലാ കമ്മിറ്റി സംഘടിപ്പിച്ച തൃശൂര്‍ കോര്‍പറേഷന്‍ ഓഫീസ് ധര്‍ണ്ണ ഉദ്ഘാടനം ചെയ്തു സംസാരിക്കുകയായിരുന്നു അദ്ദേഹം.
ഫണ്ട് ലാപ്‌സാക്കിയ നടപടിയില്‍ പ്രതിക്ഷേധിച്ചു പട്ടികജാതി മോര്‍ച്ചയുടെ നേതൃത്വത്തില്‍ സംസ്ഥാന വ്യാപകമായി മുന്‍സിപ്പാലിറ്റി. ബ്ലോക്ക്, ഗ്രാമപഞ്ചായത്തുകള്‍ എന്നിവക്ക് മുന്നില്‍ സമരം സംഘടിപ്പിക്കുമെന്ന് ഷാജുമോന്‍ വട്ടേക്കാട് പറഞ്ഞു. പട്ടിക ജാതി മോര്‍ച്ച ജില്ലാ പ്രസിഡന്റ് വി.സി. ഷാജി അധ്യക്ഷത വഹിച്ചു ജില്ലാ നേതാക്കളായ സുധിര്‍ ചൂണ്ടല്‍. കെ ടി വിഘ്‌നേശ്വര കുമാര്‍. വേലായുധന്‍ നാട്ടിക രഞ്ജിത് അന്തിക്കാട്,പ്രേംജി പ്രഭാകരന്‍, ബാബുരാജ് കോലഴി, രാജന്‍ നെല്ലങ്കര എന്നിവര്‍ പ്രസംഗിച്ചു.
പ്രതികരിക്കാൻ ഇവിടെ എഴുതുക: