തൃശൂര്‍: സ്ഥാപനങ്ങളുടെ ഷട്ടര്‍ പൊളിച്ച് മോഷണം നടത്തുന്ന ആലപ്പുഴ കായംകുളം സ്വദേശി മാടവന കിഴക്കേതില്‍ ഷട്ടര്‍ നൗഷാദ് എന്ന ആടുകിളി നൗഷാദിനെ കുന്നംകുളം പോലീസ് പിടികൂടി. കഴിഞ്ഞ 8ന് പുലര്‍ച്ചെ കേച്ചേരിയിലുള്ള എസ്ഡി ഹോം അപ്ലൈന്‍സ് എന്ന സ്ഥാപനത്തിന്റെ ഷട്ടര്‍ പൊളിച്ചും ഗ്ലാസ് തകര്‍ത്തുമാണ് പ്രതി മോഷണം നടത്തിയത്.
ഗ്ലാസ് തകര്‍ക്കുമ്പോള്‍ നൗഷാദിന് കൈക്ക് മുറിവേറ്റിരുന്നു. കൈക്ക് മുറിവ് പറ്റി ചികിത്സ തേടിയ വരെ കുറിച്ചുള്ള അന്വേഷണമാണ് നൗഷാദിലേക്ക് എത്തിയത്. ഇയാളെ ചോദ്യം ചെയ്തതില്‍ കുന്നംകുളത്തുള്ള സ്വപ്‌ന ജ്വല്ലറി, കല്ലും പുറത്തുള്ള മൊബൈല്‍ ഷോപ്പുകളും, ചങ്ങരംകുളം പാവിട്ടപുറത്തെ മൂന്ന് സ്ഥാപനങ്ങളിലും കളവു നടത്തിയതായി സമ്മതിച്ചു.നിരവധി മോഷണക്കേസുകളില്‍ പ്രതിയായ നൗഷാദ് അടുത്താണ് ജയില്‍ ശിക്ഷ കഴിഞ്ഞ് പുറത്തിറങ്ങിയത്.
പ്രതികരിക്കാൻ ഇവിടെ എഴുതുക: