റോം: ഇറ്റലിയുടെ വിജയക്കുതിപ്പിന് വിരാമം. തുടര്‍ച്ചയായി പതിനൊന്ന് വിജയങ്ങള്‍ നേടി റെക്കോഡിട്ട ഇറ്റലിയെ യുവേഫ നേഷന്‍സ് ലീഗില്‍ ബോസ്‌നിയ- ഹെര്‍സഗോവിന സമനിലയില്‍ പിടിച്ചു നിര്‍ത്തി. ഇരു ടീമുകളും ഓരോ ഗോള്‍ വീതം നേടി.
അമ്പത്തിയേഴാം മിനിറ്റില്‍ എഡിന്‍ സീക്കോ ബോസ്‌നിയയെ മുന്നിലെത്തിച്ചു. ബോസ്‌നിയക്കായി 108 മത്സരങ്ങളില്‍ സീക്കോയുടെ 59-ാം ഗോളാണിത്. 11 മിനിറ്റുകള്‍ക്ക് ശേഷം ഇറ്റലി സമനില പിടിച്ചു. സ്‌റ്റെഫാനോ സെന്‍സിയാണ് സ്‌കോര്‍ ചെയ്തത്.
മറ്റ് മത്സരങ്ങളില്‍ നെതര്‍ലന്‍ഡും ചെക്ക് റിപ്പബ്ലിക്കും വിജയം നേടി. നെതര്‍ലന്‍ഡ് ഏകപക്ഷീയമായ ഒരു ഗോളിന് പോളണ്ടിനെ തോല്‍പ്പിച്ചു. ചെക്ക് ഒന്നിനെതിരെ മൂന്ന് ഗോളുകള്‍ക്ക് സ്ലോവാക്യയെ പരാജയപ്പെടുത്തി.
റുമാനിയയും ഉത്തര അയര്‍ലന്‍ഡും തമ്മിലുള്ള മത്സരം സമനിലയായി. ഇരു ടീമുകളും ഓരോ ഗോള്‍ വീതം നേടി.
പ്രതികരിക്കാൻ ഇവിടെ എഴുതുക: