തിരുവനന്തപുരം:ജനം ടിവിയെ ബിജെപി തള്ളിപ്പറഞ്ഞത് പരിഹാസ്യമാണെന്നായിരുന്നു പത്രസമ്മേളനത്തിന്റെ തുടക്കത്തില്‍ മുഖ്യമന്ത്രി പിണറായി വിജയന്‍ പറഞ്ഞത്. ‘അന്വേഷണത്തിന്റെ പേരില്‍ ബന്ധപ്പെട്ടവരെ ചോദ്യം ചെയ്തതിന്,ജനം ടിവിയെപോലെ ഒരു ടിവിയെതന്നെ തള്ളിപ്പറയുന്ന നില സ്വീകരിച്ചതെന്താണെന്നും മനസ്സിലാകുന്നില്ല. അതൊരു കടന്ന കൈ ആയിപ്പോയി. എല്ലാവര്‍ക്കും അറിയാമല്ലോ വസ്തുത. ടിവിയെ തള്ളിപ്പറയേണ്ടിയിരുന്നില്ല’ എന്നായിരുന്നു മുഖ്യമന്ത്രിയുടെ വാക്കുകള്‍.
അതേ പത്രസമ്മേളനം തീരും മുന്‍പ് സ്വന്തം മാധ്യമ ഉപദേശകനും പാര്‍ട്ടി ചാനല്‍ മേധാവിയുമായ ബ്രിട്ടാസിനെ മുഖ്യമന്ത്രി തള്ളിപ്പറഞ്ഞു.
ലൈഫ് മിഷന്‍ പദ്ധതിയില്‍ നാലര കോടിയുടെ അഴിമതിയുണ്ടെന്ന വാര്‍ത്ത ജോണ്‍ ബ്രിട്ടാസ് പുറത്തുവിട്ട കാര്യങ്ങള്‍ സര്‍ക്കാറിനെ പ്രതിരോധത്തിലാക്കുന്നില്ലന്നായിരുന്നു മുഖ്യമന്ത്രിയുടെ വാദം. കൈരളി ചാനലില്‍ ബ്രിട്ടാസാണ് വാര്‍ത്ത പുറത്തുവിട്ടതെന്നു പറഞ്ഞപ്പോള്‍ ഏതെങ്കിലും ചാനലുകള്‍ റിപ്പോര്‍ട്ട് ചെയ്യുന്ന വാര്‍ത്തയുടെ അടിസ്ഥാനത്തില്‍ മാത്രം സര്‍ക്കാരിന് നടപടിയെടുക്കാനാവില്ലെന്ന് മുഖ്യമന്ത്രിയുടെ മറുപടി.
‘മാധ്യമ ഉപദേഷ്ടാവ് സ്ഥിരമായി തന്റെ ഓഫീസിലുള്ള ആളല്ല. ആവശ്യംവന്നാല്‍ ഉപദേശം തേടാന്‍ വേണ്ടി മാത്രമാണ് അദ്ദേഹത്തെ സമീപിക്കുന്നത്. സര്‍ക്കാര്‍ ഫയലുകള്‍ ഉപദേഷ്ടാവ് കാണാറില്ല. സര്‍ക്കാരിന്റെ രഹസ്യങ്ങള്‍ അറിയുന്ന ആളല്ല മാധ്യമ ഉപദേഷ്ടാവ്. ഉപദേഷ്ടാവ് അദ്ദേഹത്തിന് കിട്ടിയ വിവരങ്ങളാണ് പറഞ്ഞത്.’ മുഖ്യമന്ത്രി പറഞ്ഞു.
പ്രതികരിക്കാൻ ഇവിടെ എഴുതുക: