കാസര്‍കോട്: കാസര്‍കോട് ജില്ലയില്‍ വീണ്ടും രണ്ടാം ദിനവും കോവിഡ് രോഗികളുടെ എണ്ണം 100 കടന്നതോടെ ജനങ്ങളുടെ ആശങ്ക വര്‍ദ്ധിക്കുന്നു. ഇന്നലെ ജില്ലയില്‍ 119 പേര്‍ക്ക് കൂടി കോവിഡ് 19 പോസിറ്റീവായി. കോവിഡ് സ്ഥിരീകരിച്ചവരില്‍ അഞ്ച് ആരോഗ്യ പ്രവര്‍ത്തകരുള്‍പ്പെടെ 116 പേര്‍ക്ക് സമ്പര്‍ക്കത്തിലൂടെയും രണ്ട് പേര്‍ വിദേശത്ത് നിന്നെത്തിയവരും ഒരാള്‍ ഇതര സംസ്ഥാനത്ത് നിന്നെത്തിയവരുമാണ്. കോവിഡ് ചികിത്സയില്‍ ഉണ്ടായിരുന്ന 47 പേര്‍ക്ക് ഇന്നലെ രോഗം ഭേദമായി.
ആരോഗ്യപ്രവര്‍ത്തകരായ മധൂര്‍ പഞ്ചായത്തിലെ 23കാരി, കാസര്‍കോട് നഗരസഭയിലെ 22, 23, 32, 32 വയസുള്ള സത്രീകള്‍, സമ്പര്‍ക്കത്തിലൂടെ കാഞ്ഞങ്ങാട് നഗരസഭയിലെ 27, 22, 29 വയസ്സുളള പുരുഷന്‍മ്മാര്‍, തൃക്കരിപ്പൂര്‍ പഞ്ചായത്തിലെ 31, 76, 40, 81 വയസ്സുളള പുരുഷന്‍മ്മാര്‍ 30, 39, 33 വയസ്സുളള സ്ത്രീകള്‍ 11, 10, വയസ്സുളള കുട്ടികള്‍, പളളിക്കര പഞ്ചായത്തിലെ 54കാരി 23കാരന്‍, കാസര്‍കോട് നഗരസഭയിലെ 55, 65, 25, 20, 54, 40, 20, 20, 20, 25, 21, 57, വയസ്സുളള പുരുഷന്‍മ്മാര്‍ 23, 44, 56, 30, 82, 22, 32, 32, 43, 23, 22, 47, വയസ്സുളള സ്ത്രീകള്‍ 9, 15, 10, 5, 11 വയസ്സുളള കുട്ടികള്‍, ബേഡഡുക്ക പഞ്ചായത്തിലെ 22, 26, 28 വയസ്സുളള പുരുഷന്‍മ്മാര്‍, ചെങ്കള പഞ്ചായത്തിലെ 28, 27 വയസ്സുളള പുരുഷന്‍മ്മാര്‍ 29കാരി, മധൂര്‍ പഞ്ചായത്തിലെ 34, 34, 37, 25, വയസ്സുളള പുരുഷന്‍മ്മാര്‍ 26കാരി, കുമ്പള പഞ്ചായത്തിലെ 26കാരന്‍, ചെമ്മനാട് പഞ്ചായത്തിലെ 25കാരി 19 ,22, 55, 55, 34, വയസ്സുളള പുരുഷന്‍മ്മാര്‍ 39 വയസ്സുളള സ്ത്രീകള്‍, മൊഗ്രാല്‍ പുത്തൂര്‍ പഞ്ചായത്തിലെ 5 വയസ്സുളള കുട്ടി 55, 29, വയസ്സുളള സ്ത്രീകള്‍ 67കാരന്‍, പുല്ലൂര്‍ പെരിയ പഞ്ചായത്തിലെ 30 കാരന്‍ 10 വയസ്സുളള കുട്ടി 40കാരി, അജാനൂര്‍ പഞ്ചായത്തിലെ 57, 19, 60, 37, 34, 36, 35, 29, വയസ്സുളള പുരുഷന്‍മ്മാര്‍ 46, 27, 32, 54 വയസ്സുളള സ്ത്രീകള്‍ 13 വയസ്സുളള കുട്ടി 34കാരി, കോടോം ബെളൂര്‍ പഞ്ചായത്തിലെ 24കാരന്‍, ദേലംപാടി പഞ്ചായത്തിലെ 42കാരന്‍, പടന്ന പഞ്ചായത്തിലെ 19കാരന്‍, കിനാനൂര്‍ കരിന്തളം പഞ്ചായത്തിലെ 28കാരന്‍, ചെറുവത്തൂര്‍ പഞ്ചായത്തിലെ 1, 3 വയസ്സുളള കുട്ടികള്‍ 25, 56 വയസ്സുളള സ്ത്രീകള്‍ 63കാരന്‍, കയ്യൂര്‍ ചീമേനി പഞ്ചായത്തിലെ 40കാരി, പിലിക്കോട് പഞ്ചായത്തിലെ 17, 31, 34, 17 വയസ്സുളള പുരുഷന്‍മ്മാര്‍, പനത്തടി പഞ്ചായത്തിലെ 42, 47 വയസ്സുളള പുരുഷന്‍മ്മാര്‍, ബദിയഡുക്ക പഞ്ചായത്തിലെ 30കാരി 24കാരന്‍, 62 വയസ്സുള്ള സ്ത്രീ, ഉദുമ പഞ്ചായത്തിലെ 48, 20 വയസ്സുളള പുരുഷന്‍മ്മാര്‍ 60, 30 വയസ്സുളള സ്ത്രീകള്‍, പൈവളിഗെ പഞ്ചായത്തിലെ 31കാരന്‍, വിദേശത്ത് നിന്നെത്തിയ കാഞ്ഞങ്ങാട് നഗരസഭയിലെ 37കാരന്‍(ദുബായ്), കുറ്റിക്കോല്‍ പഞ്ചായത്തിലെ 25കാരന്‍ (ഷാര്‍ജ), ഇതരസംസ്ഥാനത്ത് നിന്നെത്തിയ തൃക്കരിപ്പൂര്‍ പഞ്ചായത്തിലെ 25കാരന്‍ (ഉത്തരാഖണ്ഡ്) എന്നിവര്‍ക്കാണ് കോവിഡ് സ്ഥിരീകരിച്ചത്.
വീടുകളില്‍ 4449 പേരും സ്ഥാപനങ്ങളില്‍ 953 പേരുമുള്‍പ്പെടെ ജില്ലയില്‍ ആകെ നിരീക്ഷണത്തിലുള്ളത് 5402 പേരാണ്. പുതിയതായി 397 പേരെ കൂടി നിരീക്ഷണത്തിലാക്കി.
സെന്റിനല്‍ സര്‍വ്വേ അടക്കം പുതിയതായി 1306 സാമ്പിളുകള്‍ കൂടി പരിശോധനയ്‌ക്ക് അയച്ചു. 648 പേരുടെ പരിശോധനാ ഫലം ലഭിക്കാനുണ്ട്. 349 പേര്‍ നിരീക്ഷണ കാലയളവ് പൂര്‍ത്തിയാക്കി. 132 പേരെ ആശുപത്രികളിലും കോവിഡ് കെയര്‍ സെന്ററുകളിലുമായി പ്രവേശിപ്പിച്ചു. ആശുപത്രികളില്‍ നിന്നും കോവിഡ് കെയര്‍ സെന്ററുകളില്‍ നിന്നും 37 പേരെ ഡിസ്ചാര്‍ജ് ചെയ്തു.
3891 പേര്‍ക്കാണ് ജില്ലയില്‍ ഇതുവരെ കോവിഡ് സ്ഥിരീകരിച്ചത്. ഇതില്‍ 509 പേര്‍ വിദേശത്ത് നിന്നെത്തിയവരും 362 പേര്‍ ഇതരസംസ്ഥാനത്ത് നിന്നെത്തിയവരും 3020 പേര്‍ക്ക് സമ്പര്‍ക്കത്തിലൂടെയുമാണ് രോഗം സ്ഥിരീകരിച്ചത്. 2838 പേര്‍ക്ക് ഇതുവരെ കോവിഡ് നെഗറ്റീവായി. കാസര്‍കോട് ജില്ലയില്‍ കോവിഡ് ബാധിച്ച് മരണപ്പെട്ടവരുടെ എണ്ണം 30 ആയി.
കാസര്‍കോട് നഗരസഭയിലെ രണ്ട് ഉദ്യോഗസ്ഥര്‍ക്ക് കോവിഡ്; ജനറല്‍ വിഭാഗം ഓഫീസ് അടച്ചിട്ടു
കാസര്‍കോട്: കാസര്‍കോട് നഗരസഭയിലെ രണ്ട് ഉദ്യോഗസ്ഥര്‍ക്ക് കോവിഡ് സ്ഥിരീകരിച്ചതിനെ തുടര്‍ന്ന് ജനറല്‍ വിഭാഗം ഓഫീസ് അടച്ചിട്ടു. അതേ സമയം മറ്റ് ഓഫീസുകള്‍ നിയന്ത്രണങ്ങളോടെ പ്രവര്‍ത്തിക്കുമെന്ന് ചെയര്‍പേഴ്‌സണ്‍ ബീഫാത്തിമ ഇബ്രാഹിമും സെക്രട്ടറി മുഹമ്മദ് ഷാഫിയും അറിയിച്ചു.
അക്കൗണ്ട് സെക്ഷന്‍ അടക്കം പ്രവര്‍ത്തിക്കുന്ന ജനറല്‍ വിഭാഗത്തിലെ രണ്ട് ഉദ്യോഗസ്ഥര്‍ക്കാണ് കോവിഡ് സ്ഥിരീകരിച്ചത്. സമ്പര്‍ക്ക ഭീതി നിലനില്‍ക്കുന്ന സാഹചര്യത്തില്‍ നഗരസഭയിലെ മറ്റ് ഉദ്യോഗസ്ഥര്‍ക്കെല്ലാം കോവിഡ് പരിശോധന നടത്തുമെന്ന് അധികൃതര്‍ അറിയിച്ചു.
നഗരസഭയുടെ മറ്റ് ഓഫീസുകള്‍ നിയന്ത്രണങ്ങളോടെ പ്രവര്‍ത്തിക്കും. ഇതിനായി പ്രത്യേക ക്രമീകരണമേര്‍പ്പെടുത്തിയിട്ടുണ്ട്. വിവിധ ആവശ്യങ്ങള്‍ക്കായി എത്തുന്നവര്‍ക്ക് ഓഫീസുകളില്‍ നേരിട്ട് പ്രവേശനം അനുവദിക്കാതെ രേഖകള്‍ പരിശോധിച്ച് വേണ്ട നടപടികള്‍ സ്വീകരിക്കുകയാണ് ചെയ്യുന്നത്.
പ്രതികരിക്കാൻ ഇവിടെ എഴുതുക: