ന്യൂദല്‍ഹി: തോമസ് ആന്‍ഡ് യൂബര്‍ കപ്പ് ഫൈനല്‍സില്‍ ഇന്ത്യ താരതമ്യേന ദുര്‍ബലമായ ഗ്രൂപ്പില്‍. ഡെന്മാര്ക്കില് ഒക്‌ടോബര്‍ മൂന്ന് മുതല്‍ പതിനൊന്ന് വരെയാണ് ചാമ്പ്യന്‍ഷിപ്പ്. ഇന്ത്യന്‍ പുരുഷ ടീം ഗ്രൂപ്പ് സിയില്‍ മത്സരിക്കും. 2016ലെ ചാമ്പ്യന്മാരായ ഡെന്മാര്‍ക്ക്, ജര്‍മനി, അള്‍ജീരിയ എന്നിവയാണ് ഈ ഗ്രൂപ്പിലെ മറ്റ് ടീമുകള്‍. വനിതാ വിഭാഗത്തില്‍ ഇന്ത്യ ഡിയിലാണ്.
പതിനാല് തവണ ചാമ്പ്യന്മാരായ ചൈന, ഫ്രാന്‍സ്, ജര്‍മനി എന്നിവയാണ് മറ്റ് ടീമുകള്‍. പുരുഷ വിഭാഗത്തിലും വനിതാ വിഭാഗത്തിലും ഇന്ത്യ അഞ്ചാം സീഡാണ്. തോമസ് കപ്പില്‍ ഇന്ത്യോനേഷ്യയും യൂബര്‍ കപ്പില്‍ ജപ്പാനുമാണ് ടോപ് സീഡുകള്‍. കൊറോണയെത്തുടര്‍ന്ന് രണ്ട് തവണ മാറ്റിവച്ച ചാമ്പ്യന്‍ഷിപ്പാണ് ഡെന്മാര്ക്കില് നടത്തുന്നത്.
ജന്മഭൂമി ഓണ്‍ലൈന്‍
പ്രതികരിക്കാൻ ഇവിടെ എഴുതുക: