ന്യൂദല്‍ഹി : ജനങ്ങള്‍ക്ക് ഈദ് ആശംസ നേര്‍ന്ന് പ്രധാനമന്ത്രി നരേന്ദ്രമോദി. ഐക്യമാര്‍ന്നതും എല്ലാവരും ഉള്‍ക്കൊള്ളുന്നതുമായ സമൂഹം ഉണ്ടാക്കിയെടുക്കുന്നതിനും ഈ ദിവസം പ്രചോദനമാകട്ടെയെന്നും അദ്ദേഹം ട്വിറ്ററിലൂടെ ആശംസയര്‍പ്പിച്ചു. സാഹോദര്യവും സ്നേഹവും എക്കാലവും തുടരട്ടെയെന്നും മോദി അറിയിച്ചു.
പ്രധാനമന്ത്രിക്ക് പുറമേ രാഷ്‌ട്രപതിയും രാജ്യത്തെ ജനങ്ങള്‍ക്ക് ആശംസകള്‍ നേര്‍ന്നിട്ടുണ്ട്. മറ്റുള്ളവര്‍ക്ക് വേണ്ടിയുള്ള ത്യാഗമാണ് ഈദ് ദിനം നമ്മെ ഓര്‍മ്മിപ്പിക്കുന്നത്. ലോകത്തെ എല്ലാ ജനങ്ങള്‍ക്കുമായി പ്രവര്‍ത്തിക്കാന്‍ ഈ ദിനം ഏവര്‍ക്കും പ്രചോദനം ആകട്ടെ. കൊറോണ മാര്‍ഗ്ഗ നിര്‍ദ്ദേശങ്ങള്‍ പാലിച്ച് ഈ വിശുദ്ധ ദിനത്തില്‍ സന്തോഷം പങ്കുവെയ്‌ക്കാമെന്നും രാഷ്‌ട്രപതി ട്വിറ്ററില്‍ അറിയിച്ചു.
അതേസമയം ബംഗ്ലാദേശ് പ്രധാനമന്ത്രി ഷെയ്ക് ഹസീനയ്‌ക്കും പ്രധാനമന്ത്രി നരേന്ദ്ര മോദി ഇദ് ആശംസകള്‍ നേര്‍ന്നു. ഇരു രാജ്യങ്ങളും തമ്മിലുള്ള ബന്ധം ദൃഢമാക്കാനും, സമൂഹത്തില്‍ സമാധാനവും, സഹിഷ്ണുതയും വളര്‍ത്താനും ഈ ഉത്സവം സഹായിക്കുമെന്നായിരുന്നു ആശംസ.
പ്രതികരിക്കാൻ ഇവിടെ എഴുതുക: