പീരുമേട്: ബന്ധുവീട്ടില്‍ വിരുന്നിനെത്തിയ യുവതി പെരിയാറ്റില്‍ മുങ്ങി മരിച്ചു. കൂട്ടര്‍ ബാലഗ്രാം സ്വദേശി ശരണ്യ(22) യാണ് മരിച്ചത്. മ്ലാമല പൂണ്ടിക്കുളത്ത് പെരിയാര്‍ നദിയില്‍ ഇന്നലെ ഉച്ച കഴിഞ്ഞ് മൂന്ന് മണിയോടെയാണ് സംഭവം നടന്നത്.
കുട്ടികളുമായി പെരിയാര്‍ നദിയില്‍ കുളിക്കാന്‍ ഇറങ്ങിയ യുവതി വെള്ളത്തിലേക്ക് കാല്‍ വഴുതി വീഴുകയായിരുന്നു. ഈ സമയം കൂടെയുണ്ടായിരുന്ന രണ്ടര വയസുള്ള കുട്ടിയും വെള്ളത്തില്‍ വീണു. ഇത് കണ്ട് നിന്ന നാട്ടുകാരനായ പന്തളം രാജന്‍ എന്നയാള്‍ കുട്ടിയെ രക്ഷപ്പെടുത്തി. പിന്നിട് യുവതിയെ രക്ഷപ്പെടുത്താന്‍ ശ്രമിക്കുന്നതിനിടയില്‍ യുവതിയുടെ കൈയില്‍ പിടി കിട്ടിയെങ്കിലും, വെള്ളത്തിന്റെ ശക്തമായ അടി ഒഴുക്കില്‍ യുവതിയുടെ കൈ വഴുതി പോകുകയായിരുന്നു രാജന്‍ പറഞ്ഞു.
കട്ടപ്പന ഫയര്‍ഫോഴ്സും നാട്ടുകാരും ചേര്‍ന്ന് നടത്തിയ തെരച്ചിലിലാണ് അഞ്ച് മണിയോടുകൂടി കുളിക്കാറിങ്ങിയ സ്ഥലത്തില്‍ നിന്ന്ം എതാനും താഴെ മൃതദേഹം കണ്ടെത്തിയത്. സാമൂഹ്യ ആരോഗ്യ കേന്ദ്രത്തില്‍ എത്തിച്ച മൃതദ്ദേഹം അവിടെ നിന്ന്ം പോസ്റ്റ് മോട്ടത്തിനായി കോട്ടയം മെഡിക്കല്‍ കോളേജിലേക്ക് കൊണ്ടുപോയി. ഭര്‍ത്താവ്: രഞ്ജിത്ത്,സിദ്ധാര്‍ത്ത് മകനാണ്.
പ്രതികരിക്കാൻ ഇവിടെ എഴുതുക: