വെഞ്ഞാറമൂട്: വൃദ്ധ ദമ്പതികളെ വിഷം ഉള്ളില്‍ ചെന്ന് അവശ നിലയില്‍ കണ്ടെത്തിയ സംഭവവുമായി ബന്ധപ്പെട്ട് ഒരാള്‍ അറസ്റ്റില്‍. വെള്ളുമണ്ണടി ബാലന്‍ പച്ച പുലയരുകുന്ന് വീട്ടില്‍ ബിജുവിനെയാണ് (42) വെഞ്ഞാറമൂട് പോലീസ് അറസ്റ്റ് ചെയ്തത്. വെള്ളുമണ്ണടി പുലയരുകുന്നു തടത്തരികത്തു വീട്ടില്‍ വാസുദേവന്‍ (80), ഭാര്യ സരസ്വതി അമ്മ (75) എന്നിവരെയാണ് കഴിഞ്ഞ ഞായറാഴ്ച വിഷം ഉള്ളില്‍ ചെന്ന നിലയില്‍ വീട്ടിനുള്ളില്‍ കണ്ടെത്തിയത്. അറസ്റ്റിലായ ബിജു ആ ദിവസം ദമ്പതികളെ പരസ്യമായി മര്‍ദിച്ചിരുന്നു. ഇതില്‍ മനംനൊന്താണ് അന്നു രാത്രിയില്‍ ഇരുവരും ആത്മഹത്യക്ക് ശ്രമിച്ചതെന്ന് കാണിച്ച് ഒരു ബന്ധു നല്‍കിയ പരാതിയുടെ അടിസ്ഥാനത്തിലായിരു ന്നു അറസ്റ്റ്. തിരുവനന്ത
പുരം മെഡിക്കല്‍ കോളേജ് ആശുപത്രിയില്‍ ചികിത്സയിലുള്ള ദമ്പതികള്‍ ഇതുവരെ അപകടനില തരണം ചെയ്തിട്ടില്ല. വെഞ്ഞാറമൂട് സിഐ വിജയരാഘവന്റെ നേതൃത്വത്തില്‍ എസ്‌ഐ ശ്രീകുമാര്‍, സിനിയര്‍ സിവില്‍ പോലീസ് ഓഫീസര്‍ ഷൈജു ബി. കല്‍പ്പറ എന്നിവരടങ്ങുന്ന സംഘമാണ് പ്രതിയെ അറസ്റ്റ് ചെയ്തത്. ആത്മഹത്യാ പ്രേരണാ കുറ്റം ചുമത്തിയാണ് അറസ്റ്റ്. ഇയാളെ റിമാന്‍ഡ് ചെയ്തു.
പ്രതികരിക്കാൻ ഇവിടെ എഴുതുക: