കൂത്തുപറമ്പ്: കൂത്തുപറമ്പ് നഗരത്തില്‍ നട്ടുവളര്‍ത്തിയ കഞ്ചാവ് ചെടികള്‍ എക്‌സൈസ് സംഘം പിടിച്ചെടുത്തു നശിപ്പിച്ചു. കൂത്തുപറമ്പ് സ്‌റ്റേഡിയത്തിന് സമീപത്തെ അന്യസംസ്ഥാന തൊഴിലാളികള്‍ താമസിക്കുന്ന കോട്ടേഴ്‌സ് വളപ്പില്‍നിന്നാണ് 88 കിലോ കഞ്ചാവ് ചെടികള്‍ കൂത്തുപറമ്പ് എക്‌സൈസ് സംഘം പിടിച്ചെടുത്തത്. സംഭവത്തില്‍ ആസാം സ്വദേശി കുര്‍ഷിദ് ആലത്തെ എക്‌സൈസ് സംഘം അറസ്റ്റ് ചെയ്തു.
രഹസ്യവിവരത്തെ തുടര്‍ന്ന് നടത്തിയ പരിശോധനയിലാണ് മൂപ്പെത്തിയ ചെടികള്‍ പിടിച്ചെടുത്തത്. ഇവിടെ പത്തോളം അന്യസംസ്ഥാന തൊഴിലാളികളാണ് താമസിക്കുന്നത് ഇവരെ ചോദ്യം ചെയ്തതില്‍ നിന്നാണ് ചെടി നട്ടുപിടിപ്പിച്ച ആളെക്കുറിച്ച് എക്‌സൈസ് സംഘത്തിന് മനസ്സിലായത്. പ്രതി ആ സമയം ജോലിസ്ഥലത്തായതിനാല്‍ സൂത്രത്തില്‍ സംഭവസ്ഥലത്തേക്ക് വിളിപ്പിച്ച് അറസ്റ്റ് ചെയ്യുകയായിരുന്നു.
ജന്മഭൂമി ഓണ്‍ലൈന്‍
പ്രതികരിക്കാൻ ഇവിടെ എഴുതുക: