തിരുവനന്തപുരം : ഒരു മാസം നീണ്ടുനിന്ന പ്രാര്‍ത്ഥനകള്‍ക്കും വ്രതാനുഷ്ഠാനങ്ങള്‍ക്കും ശേഷം മുസ്ലിം സമൂഹം ഇന്ന് ചെറിയ പെരുന്നാള്‍ ആഘോഷിക്കുന്നു. കൊറോണ വൈറസിന്റെ പശ്ചാത്തലത്തില്‍ ഇത്തവണ വീടുകളിലാണ് എല്ലാവരും പെരുന്നാള്‍ നമസ്‌കാരം നിര്‍വഹിക്കുന്നത്.
റമദാന്‍ പ്രമാണിച്ച് സാധാരണ ഞായറാഴ്ചകളില്‍ അനുവദനീയമായ പ്രവൃത്തികള്‍ക്ക് പുറമേ സംസ്ഥാന സര്‍ക്കാര്‍ ഇന്ന് ലോക്ഡൗണില്‍ ഇളവുകള്‍ പ്രഖ്യാപിച്ചു. ബേക്കറി, വസ്ത്രക്കടകള്‍, മിഠായിക്കടകള്‍, ഫാന്‍സി സ്റ്റോറുകള്‍, ചെരുപ്പുകടകള്‍ എന്നിവ രാവിലെ ഏഴുമുതല്‍ വൈകുന്നേരം ഏഴുമണിവരെ പ്രവര്‍ത്തിക്കാം.
ഇറച്ചി, മത്സ്യവ്യാപാരം എന്നിവ രാവിലെ ആറു മുതല്‍ 11 വരെ അനുവദിക്കും. പെരുന്നാള്‍ ദിനത്തില്‍ അവശ്യ സാധനങ്ങളുടെ ബുദ്ധിമുട്ടുകള്‍ ആര്‍ക്കും ഉണ്ടാകാതിരിക്കുന്നതിനാണ് ഇത്.
സാമൂഹ്യ അകലം പാലിക്കല്‍, മുഖാവരണം ധരിക്കല്‍ തുടങ്ങിയവ ഉള്‍പ്പെടെയുള്ള മാനദണ്ഡങ്ങള്‍ കര്‍ശനമായി പാലിക്കണമെന്നും സര്‍ക്കാര്‍ നിര്‍ദ്ദേശിച്ചു. അതേസമയം പെരുന്നാള്‍ ദിനത്തോടനുബന്ധിച്ച് ബന്ധു വീടുകള്‍ സന്ദര്‍ശിക്കാനും അന്തര്‍ജില്ലാ യാത്രകള്‍ നടത്താമെന്നും സംസ്ഥാന സര്‍ക്കാര്‍ അറിയിച്ചിട്ടുണ്ട്.
പ്രതികരിക്കാൻ ഇവിടെ എഴുതുക: