കോഴിക്കോട്: കോവിഡ് 19 വ്യാപനം തടയുന്നതിനായി ആരോഗ്യ വകുപ്പിന്റെ നേതൃത്വത്തില്‍ ജില്ലയിലെ പൊതു ഇടങ്ങളില്‍ പൊതുജനങ്ങളെ ഹെല്‍ത്ത് സ്ക്രീനിങ് ടെസ്റ്റിന് വിധേയമാക്കാന്‍ തീരുമാനം. കോവിഡുമായി ബന്ധപ്പെട്ട് പ്രഖ്യാപിച്ച ലോക്ഡൗണ്‍ നിബന്ധനകളില്‍ ഇളവുകള്‍ വരുത്തിയതോടെ ജനങ്ങള്‍ പൊതു ഇടങ്ങളില്‍ തടിച്ചുകൂടാനുള്ള സാധ്യത കണക്കിലെടുത്താണ് നടപടി. കോഴിക്കോട്, താമരശ്ശേരി, കൊയിലാണ്ടി, വടകര താലൂക്കുകളിലെ 23 സ്ഥലങ്ങളില്‍ മെഡിക്കല്‍ സ്ക്രീനിങ് സൗകര്യം ഏര്‍പ്പെടുത്തും.
കോഴിക്കോട് താലൂക്കില്‍ മൊഫ്യൂസില്‍ ബസ്സ്റ്റാന്റ്, മുക്കം, ഫറോക്ക്, രാമനാട്ടുകര, മാവൂര്‍, മാനാഞ്ചിറ, കുന്ദമംഗലം, റെയില്‍വേ സ്റ്റേഷന്‍ കോഴിക്കോട്, പാളയം മാര്‍ക്കറ്റ്, കോഴിക്കോട് ബീച്ച്. കൊയിലാണ്ടി താലൂക്കില്‍ ബാലുശ്ശേരി, പേരാമ്പ്ര, കൊയിലാണ്ടി. താമരശ്ശേരി താലൂക്കില്‍ കൊടുവള്ളി, പൂനൂര്, ഓമശ്ശേരി, പുതുപ്പാടി, താമരശ്ശേരി, കോടഞ്ചേരി. വടകര താലൂക്കില്‍ നാദാപുരം, വടകര, കുറ്റ്യാടി, വില്ല്യാപ്പള്ളി തുടങ്ങിയ സ്ഥലങ്ങളിലാണ് മെഡിക്കല്‍ സംഘം പ്രവര്‍ത്തിക്കുക.
സ്‌ക്രീനിങ്ങില്‍ കോവിഡ് ലക്ഷണം കണ്ടെത്തുന്നവരെ മെഡിക്കല്‍ കോളേജ് ആശുപത്രിയില്‍ എത്തിക്കുകയും വിവരം ജില്ലാ മെഡിക്കല്‍ ഓഫീസറെ അറിയിക്കുകയും ചെയ്യും.സംഘത്തില്‍ പാരാമെഡിക്കല്‍ സ്റ്റാഫ്, ഹെല്‍ത്ത് വളണ്ടിയര്‍ എന്നിവരുണ്ടാകും.
പ്രതികരിക്കാൻ ഇവിടെ എഴുതുക: