ന്യൂദല്‍ഹി: ഈ വര്‍ഷം ഇന്ത്യന്‍ പ്രീമിയര്‍ ലീഗ് നടക്കാന്‍ സാധ്യതയില്ലെന്ന് ഇന്ത്യന്‍ ഫാസ്റ്റ് ബൗളര്‍ മുഹമ്മദ് ഷമി. ഈ വര്‍ഷം ഇനി ഐപിഎല്‍ നടത്താന്‍ സയമുണ്ടെന്ന് തോന്നുന്നില്ല. ടി 20 ലോകകപ്പും മാറ്റിവയ്‌ക്കേണ്ടിവരുമെന്ന് മുഹമ്മദ് ഷമി പറഞ്ഞു.
മാര്‍ച്ച് 29ന് ആരംരിക്കേണ്ട ഐപിഎല്‍ കൊറോണ മഹാമാരിയെ തുടര്‍ന്ന് അനിശ്ചിത കാലത്തേക്ക് നീട്ടിവച്ചിരിക്കുകയാണ്. കഴിഞ്ഞ സീസണില്‍ 4.8 കോടിക്ക് കിങ്ങ്‌സ് ഇലവന്‍ പഞ്ചാബ് ലേലത്തില്‍ പിടിച്ച ഷമിയെ ഇത്തവണയും കിങ്‌സ് ഇലവന്‍ ടീമില്‍ നിലനിര്‍ത്തി.
കൊറോണയെ വ്യാപനത്തെ തുടര്‍ന്നുള്ള ലോക്ഡൗണ്‍ നേരത്തെ അവസാനിച്ചാല്‍ ഒരു പക്ഷെ ഈ വര്‍ഷം തന്നെ ഐപിഎല്‍ നടക്കാന്‍ സാധ്യതയുണ്ട്. ലോക്ഡൗണ്‍ എത്രകാലം നീളുമെന്ന് കാത്തിരുന്നു കാണാം. ടി 20 ലോകകപ്പിന് മുമ്പ് ഐപിഎല്‍ നടക്കണമെന്നാണ് ആഗ്രഹം. ലോകകപ്പിന് തയ്യാറെടുക്കുന്ന കളിക്കാര്‍ക്ക് ഐപിഎല്ലിലൂടെ ഫോം കണ്ടെത്താനാകുമെന്ന് മുഹമ്മദ് ഷമി പറഞ്ഞു.
പ്രതികരിക്കാൻ ഇവിടെ എഴുതുക: