കാസര്‍കോട്: കാസര്‍കോട് ജില്ലയ്‌ക്ക് ആശ്വാസത്തിന്റെ അഞ്ചാം ദിനം. ഇന്നലെ ജില്ലയില്‍ ആര്‍ക്കും കോവിഡ് 19 സഥിരീകരിച്ചിട്ടില്ല. നിലവില്‍ ജില്ലയില്‍ ആകെ നിരീക്ഷണത്തിലുള്ളത് 920 പേരാണ്. ഇതില്‍ വീടുകളില്‍ 901 പേരും ആശുപത്രികളില്‍ 19 പേരുമാണ് നിരീക്ഷണത്തിലുള്ളത്. നിരീക്ഷണത്തിലുള്ള 291 ആളുകള്‍ നിരീക്ഷണ കാലയളവ് പൂര്‍ത്തീകരിച്ചു. 356 സാമ്പിളുകളുടെ പരിശോധന ഫലം ലഭിക്കാനുണ്ട്.
തുടര്‍ സാമ്പിളുകള്‍ ഉള്‍പ്പെടെ 4950 സാമ്പിളുകളാണ് ആകെ പരിശോധനയ്‌ക്ക് അയച്ചത്. 4266 സാമ്പിളുകളുടെ ഫലം നെഗറ്റീവാണ്. പുതിയതായി അഞ്ച് പേരെക്കൂടി ഐസൊലേഷന്‍ വാര്‍ഡില്‍ പ്രവേശിപ്പിച്ചു. ജില്ലയില്‍ മൂന്ന് പോസിറ്റീവ് കേസുകളാണ് ഇനി അവശേഷിക്കുന്നത്.
സെന്റ്‌റീനല്‍ സര്‍വയലന്‍സിന്റെ ഭാഗമായി ആരോഗ്യപ്രവര്‍ത്തകര്‍, അതിഥി തൊഴിലാളികള്‍, സാമൂഹ്യ പ്രവര്‍ത്തകര്‍ സാമൂഹിക സമ്പര്‍ക്കത്തില്‍ കൂടുതല്‍ ഇടപഴകേണ്ടി വരുന്നവര്‍ തുടങ്ങിയവരുടെ ഇതുവരെ 474 സാമ്പിളുകള്‍ പരിശോധനക്കയച്ചു. ഇതില്‍ 413 പേരുടെ പരിശോധനാ ഫലവും നെഗറ്റീവാണ്.
പ്രതികരിക്കാൻ ഇവിടെ എഴുതുക: