ന്യൂദല്‍ഹി: ദേശീയ ഫുട്ബോള്‍ ഫെഡറേഷന്റെ തലപ്പത്തേക്കു വരാന്‍ തനിക്ക് ആഗ്രഹമുണ്ടെന്നും ഭാവിയില്‍ അതിന് വേണ്ടിയുള്ള തയ്യാറെടുപ്പുകള്‍ നടത്തുമെന്നും ഇന്ത്യന്‍ ഫുട്ബോളിലെ ഇതിഹാസ താരങ്ങളിലൊരാളും മുന്‍ നായകനുമായ ബെയ്ച്ചുങ് ബൂട്ടിയ. ഫെയ്‌സ്ബുക്കിലെ ഒരു ചോദ്യോത്തര സെഷനിലാണ് തന്റെ ആഗ്രഹം ബൂട്ടിയ വെളിപ്പെടുത്തിയത്.
നിലവില്‍ ഫുട്ബോള്‍ സ്‌കൂളും യുനൈറ്റഡ് സിക്കിം ക്ലബ്ബും ചേര്‍ന്ന് സിക്കിമില്‍ ജില്ലാ തലത്തില്‍ ഫുട്ബോളിനെ മെച്ചപ്പെടുത്താനുള്ള ശ്രമങ്ങള്‍ക്കാണ് മുന്‍ഗണന നല്‍കുന്നത്. എന്നാല്‍ ഭാവിയില്‍ ഓള്‍ ഇന്ത്യ ഫുട്ബോള്‍ ഫെഡറേഷന്‍ (എഐഎഫ്എഫ്) പ്രസിഡന്റ് സ്ഥാനത്തേക്ക് വരുന്ന കാര്യം തീര്‍ച്ചയായും പരിഗണിക്കുമെന്നും ബൂട്ടിയ വ്യക്തമാക്കി.
പ്രതികരിക്കാൻ ഇവിടെ എഴുതുക: