കാസര്‍കോട്: കാസര്‍കോട് ജില്ലയില്‍ ഇന്നലെ 9 പേര്‍ക്കു കൂടി കൊറോണ സ്ഥിരീകരിച്ചതോടെ ആകെ രോഗബാധിതരുടെ എണ്ണം 147 ആയി. 29 വയസ്സുള്ള മൊഗ്രാല്‍ പുത്തൂര്‍ സ്വദേശിക്കും31 വയസ്സുള്ള മൂന്നുപേര്‍ക്കും 30 വയസ്സുള്ള ഒരാള്‍ക്കും ഇവര്‍ നാലു പേരും ചെങ്കള സ്വദേശികളാണ്.26, 43, 26 വയസ്സുള്ള ചെമ്മനാട് സ്വദേശികള്‍ക്കും31 വയസ്സുള്ള കാസര്‍കോട് മുന്‍സിപ്പാലിറ്റി സ്വദേശിക്കുമാണ് രോഗം സ്ഥിരീകരിച്ചിട്ടുള്ളത്.
ഇതില്‍ 6 പേര്‍ വിദേശത്ത് നിന്ന് വന്നവരും 3 പേര്‍ക്ക് സമ്പര്‍ക്കത്തിലൂടെയുമാണ് രോഗം പകര്‍ന്നത്.ഇതില്‍ 6 പുരുഷന്‍മാരും 3 സ്ത്രീകളുമാണുള്ളത്. കാസര്‍കോട് ഇത് വരെ സമ്പര്‍ക്കത്തിലൂടെ രോഗംപകര്‍ന്നവരുടെ എണ്ണം 55 ആയി.
പുതിയതായി 16 ആളുകളെ അഡ്മിറ്റ് ചെയ്തു. 27 പേരെ ഡിസ്ചാര്‍ജ് ചെയ്തു. ഇതുവരെ 1769 സാമ്പിളുകള്‍ പരിശോധനയ്‌ക്കയച്ചു. ഇന്നലെ മാത്രം 102 സാമ്പിളുകളാണ് അയച്ചത്. ഇതു വരെ 1084 സാമ്പിളുകളുടെ റിസള്‍ട്ട് ലഭിച്ചു. 941 സാമ്പിളുകളുടെ പരിശോധന ഫലം നെഗറ്റീവാണ്. 685 സാമ്പിളുകളുടെ റിസള്‍ട്ട് ലഭിക്കാനുണ്ട്.
പ്രതികരിക്കാൻ ഇവിടെ എഴുതുക: