മലപ്പുറം: കൊറോണ വൈറസ് ബാധയെ തുടര്‍ന്ന് റിയാദില്‍ ചികിത്സയിലായിരുന്ന മലപ്പുറം ചെമ്മാട് സ്വദേശി മരിച്ചു. അഞ്ചു ദിവസം മുമ്പ് റിയാദിലെ സൗദി ജര്‍മന്‍ ആശുപത്രിയില്‍ പ്രവേശിപ്പിക്കപ്പെട്ട ചെമ്മാട് നടമ്മല്‍ പുതിയകത്ത് സഫ്വാന്(41) ആണ് ശനിയാഴ്ച രാത്രി മരിച്ചത്. ഡ്രൈവറായി ജോലി ചെയ്യുകയായിരുന്നു ഇയാള്‍.
പടിക്കല്‍-പറമ്പില്‍ പീടികയിലാണ് സഫ്‌വാന്റെ കുടുംബം താമസിക്കുന്നത്. പനിയും തൊണ്ടവേദനയുമായി സൗദി ജര്‍മന്‍ ആശുപത്രിയിലെത്തിയ സഫ്വാന് കൊറോണ സ്ഥിരീകരിച്ചത് വെള്ളിയാഴ്ച വൈകിട്ടാണ്. ഇതിന് ശേഷം ഹൃദയാഘാതം ഉണ്ടായതായാണ് മരണകാരണമെന്നാണ് പ്രാഥമികവിവരം.
ഭാര്യ ഖമറുന്നിസയേയും സമാനമായ രോഗലക്ഷണങ്ങള്‍ കണ്ടതിനെ തുടര്‍ന്ന് റിയാദിലെ ആശുപത്രിയില്‍ പ്രവേശിപ്പിച്ചു. മാര്‍ച്ച് എട്ടിനാണ് സന്ദര്‍ശക വിസയില്‍ ഖമറുന്നിസ റിയാദിലെത്തിയത്.
പരേതരായ കെ.എന്‍.പി. മുഹമ്മദ്-ഫാത്തിമ ദമ്പതികളുടെ മകനാണ് സഫ്വാന്. സഹോദരങ്ങള്‍: അനീസ്, ഷംസുദ്ദീന്‍, അബ്ദുല്‍ സലാം, ഇല്യാസ്, മുസ്തഫ, റിസ്വാന്‍, ലുഖ്മാന്‍, സൈഫുന്നിസ, ഹാജറ, ഷംസാദ്, ഖദീജ, ആതിഖ.
പ്രതികരിക്കാൻ ഇവിടെ എഴുതുക: