ഏഷ്യാനെറ്റിലെ ബിഗ്‌ബോസില്‍ നിന്ന് ഡോ രജിത് കുമാര്‍ പുറത്തായതില്‍ പ്രതിഷേധിച്ച് സ്വന്തം ടിവി എറിഞ്ഞുടച്ച് ആരാധകന്‍. ഇന്നലെ വൈകിട്ട് വിവാദ സംഭവത്തിന്റെ വിധി മോഹന്‍ലാല്‍ പറഞ്ഞതോടെയാണ് രജിത് കുമാര്‍ ആരാധകന്‍ സ്വന്തം ടിവി എറിഞ്ഞുടച്ചത്.
കണ്ണില്‍ മുളകു തേച്ച രജിത് കുമാറിന് മാപ്പ് നല്‍കാന്‍ തയാറല്ലെന്ന് രേഷ്മ അറിയിച്ചതോടെയാണ് അദ്ദേഹം ഷോയില്‍ നിന്ന് പുറത്തായത്. രജിത്തിന് ബിഗ്‌ബോസ് ഹൗസിലേക്ക് തിരിച്ചുവരാനുള്ള ആഗ്രഹം പറഞ്ഞ ശേഷം മോഹന്‍ലാല്‍ . ഇക്കാര്യത്തില്‍ എന്താണ് രേഷ്മയ്‌ക്ക് പറയാനുള്ളതെന്നും ചോദിച്ചു. ക്ഷമിച്ചു എന്ന് പറയുന്നതല്ലാതെ അദ്ദേഹം തിരിച്ച് വീട്ടിലേക്ക് വരുന്നതിന് യോജിപ്പില്ലെന്ന് രേഷ്മ പറഞ്ഞു. വീണ്ടും രേഷ്മയുമായി സംസാരിക്കാന്‍ രജിത്തിന് മോഹന്‍ലാല്‍ അവസരം നല്‍കി. രേഷ്മയുമായി സംസാരിച്ച രജിത് തനിക്ക് മാപ്പ് നല്‍കണമെന്ന് ആവശ്യപ്പെട്ടു.
ഒരു കുഞ്ഞനുജത്തിയെ പോലെയാണ് കാണുന്നതെന്നും മാപ്പ് തന്നുവെന്ന വാക്ക് കേള്‍ക്കണമെന്നും രജിത്ത് ആവശ്യപ്പെട്ടപ്പോള്‍ ക്ഷമിച്ചുവെന്ന് രേഷ്മ പറഞ്ഞു. എന്നാല്‍ വീട്ടിലേക്ക് തിരിച്ചുവരുന്നതില്‍ താല്‍പര്യമില്ലെന്ന തീരുമാനത്തില്‍ രേഷ്മ ഉറച്ചുനില്‍ക്കുകയായിരുന്നു. വീട്ടിലേക്ക് തിരിച്ചെത്തിയാല്‍ ഇത്തരം ഒരു കാര്യം ആരോടെങ്കിലും ചെയ്തിട്ട് പറ്റിപ്പോയതാണെന്ന് ഇനിയും പറയുന്ന സാഹചര്യമുണ്ടാകുമെന്നും രേഷ്മ പറഞ്ഞു. അതിനിടയില്‍ എന്റെ കണ്ണില്‍ മുളക് തേച്ചത് മാത്രമല്ല, എന്റെ അമ്മയുടെ കാര്യമാണ് എന്റെ മനസിലെന്നും രജിത്തിനോട് രേഷ്മ പറഞ്ഞു. എന്തായാലും ടിവി എറിഞ്ഞുടയ്‌ക്കുന്ന ആരാധകന്റെ വീഡിയോ സോഷ്യല്‍മീഡിയയില്‍ വൈറലാകുകയാണ്.
പ്രതികരിക്കാൻ ഇവിടെ എഴുതുക: